बैदेशिक राेजगारमा गएका पतिलार्इ छाेडर गाउँकै अर्का पुरूषसँग प्रेम सम्बन्ध रही बिवाह गरेकी एक महिलामाथि स्थानीयवासीले निर्घात कुटपिट गरी गाउँ निकाला गरेका छन् । दोस्रो विवाह गरेकी महिलालाई आमा विरामी भएको भन्दै गाँउमा बोलाएर गत पुस चौध गते निर्घात कुटपिट गरिएको हो ।

 

कुटपिट गरी उनलाई चप्पलको माला लगाएर मुखमा कालो मोसो दलिएको थियो । त्यसपछि घरदेखि एक किलोमिटर टाढासम्म लखेटेर गाँउ निकाला गरिएको पीडित महिलाले बताइन् ।

 

रंगेली नगरपालिका–५ आँपगाछीस्थित ठाकुर टोलका गुलावचन्द सरदारकी पत्नी र ठाकुरबीच प्रेम सम्वन्ध थियो । सरदार वैदेशिक रोजगारमा रहेको समयमा नै चार महिना अघि उनीहरुले विवाह गरेका थिए । स्थानीयको कुटपिटबाट घाइते ठाकुरको भारतमा उपचार भैरहेको छ । पीडित महिला भने अहिले आफन्तको शरणमा छिन् ।

 

उक्त घटनामा सग्लन स्थानीय रंजित ठाकुर, कुलान्द ठाकुर,गोवर्धन ठाकुर, महानन्द ठाकुर, सरिता ठाकुर र प्रकाश ठाकुर लगायतलाई प्रहरीले नियन्त्रणमा लिर्इ सार्वजनिक अपराध अन्तर्गत कारवाही अघि बढाएको छ ।

 

उक्त घटनामा अरुको पनि संग्लनता रहेको हुनाले उनीहरुको पनि खोजीकार्य भईरहेको प्रहरीले जानकारी दिएको छ । कुटपिटको नेतृत्व गर्ने एमाले रंगेली नगर कमिटीका अध्यक्ष दिनेश ठाकुर भने फरार रहेका छन् ।

 

पीडित महिलाले गत असोजमा स्थानीय एक राजकुमार ठाकुरसँग दोस्रो विवाह गरेकै कारण उनीमाथि दुर्व्यवहार गरिएको हो । ठाकुरले पनि दोस्रो बिहे गरेर गाउँ–समाजको थिति बिगारेको भन्दै गाँउ निकाला गरिएको प्रहरी अनुसन्धानमा देखिएको छ ।

 

न्याय माग्दा पागल हुनु पर्ने यो कस्तो दिन आयो यो देशमा ?

न्याय माग्दा पागल हुनु पर्ने यो कस्तो दिन आयो यो देशमा ? सुरक्षाकर्मी बाट महिलाले लछारपछार हुनु पर्ने यो कस्तो दिन आयो देशमा ? गृहमन्त्री चिनेको छु भन्दै बिदेश बसेर नेपालीलाई ठग्ने नम्बरी फटाह लाखौ लुट्दै छ, कस्तो दिन आयो देशमा ?

 

काठमाडौं । बलात्कारपछि निर्मम हत्या गरिएकी कञ्चनपुरकी १३ वर्षीया बालिका निर्मला पन्तका बुवाको स्वास्थ्य अवस्था बिग्रँदै गएको छ । छोरीको न्यायका लागि १३ औं दिनदेखि धर्नामा बसेका निर्मलाका बुवा यज्ञराज पन्तको स्वास्थ्य अवस्थासँगै मानसिक अवस्था बिग्रिएको हो ।

 

केही दिनदेखि स्वास्थ्यमा समस्या देखिएपछि चिकित्सकको टोलीले धर्नास्थलमै पुगेर पीडित परिवारको स्वास्थ्य परीक्षण गरेको थियो ।चिकित्सकको टोलीले धर्ना दिइरहेकै ठाउमा गई स्वास्थ परीक्षण र उपचार गरेपनि पन्तको बोली ब्यवहार भने असामान्य बन्दै गएको छ ।

 

अहिले उनलाई काठमाडौं ल्याउने तयारी भइरहको छ । वरिष्ठ मनो रोग चिकित्सक डाक्टर पुष्पप्रसाद शर्माका अनुसार पन्तलाई मानसिक समस्या भएको जस्तो देखिएकाले यस्ता व्यक्तिले अफुलाई वा कसै अरुलाई क्षती पु¥याउनु पुर्व उपचार गराउनु पर्ने बताउँछन् । पन्त रातभर नसुत्ने, बर्बराउने, रुने र अरुलाई गालीगलौज गर्दै हिड्न थालेका छन् ।