हाम्रो इकोनोमि

 

नेकपाका अध्यक्ष तथा पूर्व प्रधानमन्त्री पुष्पकमल दाहाल प्रचण्डको एक मात्र पुत्र प्रकाश दाहालको सोमबार निधन भएको एक वर्ष पूरा भएको छ । ललितपुरको खुमलटारस्थित प्रचण्ड निवासमा सोमबार स्मृति सभाको आयोजना गरिएको थियो । सो स्मृतिसभामा प्रकाशको निधन ताजा भएर आउँदा सबैको आँखा रसाएको थियो भने दाहाल परिवार अझै शोकमा डुबेको थियो ।

 

स्वर्गीय प्रकाशका बुवा प्रचण्ड आमा सीता, दिदी रेण, श्रीमतीद्वय सृजना र विनाको आँखाबाट आँशु बगिरहेको देखिन्थ्यो । तर, सबैमा शोकको पीडा त छँदै थियो, त्यसमाथि सृजनाले झनै बेसी पीडा सहनु परेको खुल्न आएको छ ।

 

प्रकाशको प्रथम पुण्य तिथीमा आयोजित सार्वजनिक कार्यक्रममा प्रचण्डकी बुहारी प्रकाश पत्नी खानेपानी मन्त्रीसमेत रहेकी प्रचण्डकी बुहारी बिना मगरले अर्की प्रचण्डकी बुहारी तथा प्रकाश पत्नी सिर्जनामाथि अपमानजनक व्यवहार भएको खुलेको छ । बिनाले सिर्जनालाई अपमान गरेको आरोप लागेको हो ।

 

प्रकाशको प्रथम स्मृतिमा प्रकाशन गरिएको स्मारिकामा पनि प्रकाश दाहालकी पत्नी भनेर बिना मगरको मात्रै नाम राखिएको, तर सृजनाको नाम उल्लेख नगरिएको बताइएको छ । संक्षिप्त परिचयमा सिर्जनाका छोरा प्रसिद्धको नाम राखिएको छ । तर पत्नीमा आफ्नो नाम नराखेर अस्तित्व स्वीकार नगरिएको तथा पूण्यतिथिमा अपमानजनक व्यवहार भएको भन्दै सिर्जनाले ‘सम्बन्धित ठाउँमा’ आपत्ति जनाएकी छन् ।

 

साथै सोमबार प्रचण्ड निवासमा भएको स्मृतिसभाको मञ्चमा बसेकी सृजनामाथि विनाले अपमान गरेको आरोप लागेको छ । आफू भन्दा पछाडी बसेकी सृजनालाई विनाले ‘तपाई किन आउनु भएको यहाँ ?’ भनेर प्रश्न गरेको चर्चा भएको छ । ‘मञ्चको दोस्रो लहरमा मोहन वैद्यसँगै प्रचण्डका छोरी रेणु, गंगा र बुहारी बिना बसेका थिए ।

 

त्यसबीचमा नेकपाका केही नेताहरुले कार्यक्रमस्थलको कुनामा बसेर हेरिरहेकी अर्की बुहारी सिर्जनालाई पनि मञ्चमा लगेका थिए । सिर्जना गएर मञ्चको तेस्रो लहरमा बस्नासाथ अघिल्लो लहरमा बसेकी बिना पछाडि फर्केर केही भनेको दृष्य भिडियोमा कैद छ ।

 

बिनाले पछाडि फर्केर सिर्जनालाई केही भनेलगत्तै रेणु गंगा र बिना मञ्चबाट केहीबेर बाहिरिए । उनीहरु उठेपछि सिर्जना पनि उठेर पत्रकार दीर्घाको कुर्सीमा गएर बसेकी थिइन्’ अनलाइनखबरले समाचार प्रकाशित गरेको छ । सृजना पट्टीको छोरा प्रचण्ड निवासमै बस्छन् भने सृजना छुट्टै बस्दै आएकी छन् । सोमबारको स्मृतिसभामा पनि उनलाई आमन्त्रण नगरिएको पनि बताइएको छ ।

 

यद्यपी यसबारे हालसम्म दाहाल परिवारबाट कुनै प्रतिक्रिया आएको छैन । सृजनाले यसबारे बोल्न नचाहेको बताइएको छ भने विनाले पनि कुनै प्रतिक्रिया दिएकी छैनन् ।

रुपन्देहीमा कार र मोटरसाइकल ठोक्कियो, २ जनाको मृत्यु प्रकाश आचार्य

पूर्वपश्चिम राजमार्ग अन्तर्गत रुपन्देहीको सैनामैनामा बुधवार भएको सवारी दुर्घटनामा दुई जनाको मृत्यु भएको छ ।

 

सैनामैनाको मुर्गियाबाट बुटवलतर्फ आउँदै गरेको बा१६च ८०१६ नम्बर कार पूर्वपश्चिम राजमार्गअन्तर्गत सोरौंलीमा विपरीत दिशाबाट आउँदै गरेको से४प ७७७५ नम्बरको मोटरसाइकलसँग ठोक्किँदा मोटरसाइकलमा सवार दुई जनाको इलाका प्रहरी कार्यालय रन्यौंराले जनाएको छ ।

 

उनीहरूको उपचारका क्रममा लुम्बिनी अञ्चल अस्पताल बुटवलमा मृत्यु भएको हो ।मृत्यु हुनेमा मोटरसाइकलमा सवार बुटवल उपमहानगरपालिका वडा नं. ८ बस्ने तिलक सुनार रहेको प्रहरीले जानकारी दिएको छ । अर्का एकको पहिचान खुल्न सकेको छैन ।