हिरासत भित्रै प्रहरीको यातना, गोली हानेर मार्ने धम्की
जिल्ला प्रहरी कार्यालय बाजुरामा हिरासतमा राखिएका व्यक्तिहरुलाई यातना दिन थालेको खुलासा भएको छ । प्रहरीले विभिन्न उजुरीबाट पक्राउ परेकाहरुलाई प्रहरीले बन्दी रुपमा यातना दिन थालेको हिरासतमा रहेका एक व्यक्तिले बताएका छन् ।
उनले आफु जे उजुरीमा पक्राउ गरेका भएपनि हिरासतमा विभिन्न खालका अपशव्द बोल्दै प्रहरी नायव उपरिक्षक (डिस्पी) उद्धवसिंह भाटले यातना दिने गरेको नाम नबताउने सर्तमा बताए । हिरासतमा रहेका करिव २० भन्दा बढी रहेको पाइएको छ ।
हिरासतमा रहेका बन्दीहरुलाई विभिन्न नेताहरुको फोन गराउने नाम समेत केही नेताको मिल्न गएका अरुको अपमान गर्ने भन्दै कुटपिट गर्ने र कुटपिट गरेको कसैलाई भने गोली हानेर मार्ने प्रहरी प्रमुखले धम्की दिने गरेको आइतबार मात्र जिल्ला अदालत बाजुराबाट धरौटीमा छुटछेका बडीमालिका नगरपालिका–८ का पदम राववले दु:खेसो गरेका छन् ।
उनले गएको भदौमा तिजमा झगडामा आरोप लगाइए पक्राउ भएको थिए । तर जिल्ला अदालत बाजुराले मलाई आइतबार धरौटीमा छोडे पनि डिएसपी सावले प्रहरी कार्यालयको मुद्धा फाँटमा हस्ताक्षर गर्नु पर्छ भन्दै बोलाएर गाली गलौज र गोली हान्दै मार्ने धम्की दिएको रावलको भनाई रहेको छ ।
जिल्ला प्रहरी कार्यालय बाजुरामा आएका हिरासतका बन्दीहरुले विहान बेलुका प्रहरी प्रमुखले एक एकगरी बोलाउदै आफ्नै कार्यकक्ष अगाडी लाठीले कुटपिट गर्ने र कसैलाई भने गोली हान्ने मन्त्रालयको आदेश छ ,भन्दै हिरासतमा फर्काउने गरेको हिरासतका रहेका बन्दीहरुले गुनासो गरेका छन् ।
हिरासतमा भएका बन्दीहरुलाई विभिन्न कसुरको मुद्धा लागेर पक्राउ भएपनि कुटपिट गर्न नपाईने भएपनि प्रहरी प्रमुखले भने यातना दिदै आएको बताइएको छ ।
यता जिल्ला प्रहरी कार्यालय बाजुराका प्रहरी नायव उपरिक्षक उद्धवसिं भाटले हिरासतमा रहेका कुनै पनि बन्दीहरुलाई कुटपिट र यातना नदिएको बताए । आफुलाई फसाउने पुर्वाग्रही रुपमा कुटपिट गरेको आरोप गलत भएको बताएका छन् । विभिन्न उजुरीमा पक्राउ गरिएका व्यक्तिका विषयमा पार्टी समेतको दवाव आउन गरेको प्रहरी प्रमुख भाटले बताए ।
