छोरीलाई गर्भवती बनाएर भागेका बाबु पक्राउ
झट्केली छोरीलाई लगातार करणी गरी गर्भवती बनाई भागेका एक सानो बाबु एक वर्षपछि पक्राउ परेका छन् ।
झट्केली छोरीको पेटमा गर्भ बोकाएर फरार लालीगुरास नगरपालिका–३ का शंकर थापा काठमाडौंस्थित गौशाला क्षेत्रमा लुकिछिपी बसेको अवस्थामा पक्राउ परेका हुन् ।
जिल्ला प्रहरी कार्यालय तेह«थुमले बलात्कारमा संलग्न रहेको अभियोगमा विभिन्न ब्यक्तिलाई पक्राउ गरेको छ । प्रहरीले २ महिनाको अबधिमा बिभिन्न कसुर गरेर फरार रहेका ११ जना अभियुक्तलाई पत्रकार सम्मेलन गरि सार्वजनिक गरेको हो ।
पक्राउ पर्नेमा आठराई गाउँपालिका–६ चुहानडाडा बस्ने निश्चल मोक्तान, मोरङ कानेपोखरी गाउँपालिका–५ वयरबनका दिपेश कार्की र फेदाप गाउपालिका–१ सिम्लेका अमर बहादुर लिम्बु रहेका छन् ।
बिभिन्न स्थानमा लुकिछिपी बसेका अभियुक्तहरुलाई प्रदेश नं. १ प्रहरी र सिआईबीको बिषेश सहयोगमा पक्राउ गर्न सफल भएको तेह«थुमका प्रहरी नायब उपरिक्षक टेकबहादुर कार्कीले जानकारी दिए ।
यस्तै चोरी मुद्धामा ५ बर्ष अघि फैसला भई फरार रहेका आठराई गाउपालिका–१ थोक्लुङ बस्ने जय नारायाण चौलागाई, सार्बजनीक अपराध मुद्धामा २ बर्ष अघि फैसला भई फरार रहेका फेदाप गाउपालिका–५ का भिम बहादुर कार्की पनि पक्राउ परेका छन् ।
बालबिबाह मुद्धामा फरार म्याङलुङ नगरपालिका–६ बस्ने लक्ष्मण सिवा, बहुबिबाह अभियोगका आठराई गाउपालिका–३ का कृष्ण बहादुर गुरुङलाई पक्राउ गरिएको सार्बजनिक गरेको छ ।
यस्तै कुटपिट गरेको अभियोगमा छथर गाउपालिका–५ ओख्रेका टंकबहादुर भण्डारी, कुटपिटकै म्याङलुङ–१ का लाक्पा शेर्पा र दावा शेर्पा, कर्तब्य ज्यान मुद्धामा ७ बर्षअघि फैसला भई फरार आठराई गाउँपालिका–४ का डबल घिसिङलाई प्रहरीले पक्राउ गरेको छ ।
