दलितलाई बिहे गरी ल्याएको भन्दै आफनै बाबुले थुनाए छोरा सहित नौ महिनाकी गर्भवती बुहारीलाई
कन्चनपुरमा दलितलाई विवाह गरी ल्याएको भन्दै बाबुले आफ्नै छोरा–बुहारीलाई थुनाएका छन् ।
कञ्चनरुप–९ रुपनगरका शिवनारायण साहले आफ्ना छोरा मनीष साह र बुहारी कविता रामलाई प्रहरी कार्यालयमा थुनाएका हुन् ।उनलेले २० वर्षीया छोरा मनीष र १८ वर्षीया बुहारी कवितालाई बालविवाहविरुद्ध उजुरी दर्ता गरी थुनाएका हुन् ।
कञ्चनरुप–९ धरमपुरकी कविता र मनीषले गत पुस २१ गते घरबाट भागेर विवाह गरेका थिए । परिवारको सहमतिबिना सुनसरीको इनरुवामा घरजम गरेर बसेका थिए ।
उनीहरुको उमेर नपुगेको भन्दै प्रहरी कार्यालयमा पटक–पटक भएको छलफलपछि दुवैलाई माघ २८ गते घरपरिवारको जिम्मा लगाइएको थियो ।
तर, मनीष र कविताले फागुन १ गते हनुमाननगर कंकालिनी–१ भारदहस्थित कंकालिनी भगवती मन्दिरमा प्रेम विवाह गरेर पुनः सँगै बस्न थालेका थिए ।
यता कबिताकी आमाले पनि नौ महिनाकी गर्भवतीलाई प्रहरी हिरासतमा थुनेर गर्भको बालकमाथि समेत अन्याय भएको बताउदैशान्तिदेवीले दलित भएकै कारण एकपछि अर्को मुद्दा खेप्नुपरेकाले कानुनी संरक्षणको माग गरेकी छन् ।
