५ वर्षकी बालिकालाई बलात्कार गरेको आरोपमा सरकारी कर्मचारी पक्राउ
दोलखामा ५ वर्षीया बालिका बलात्कार गरेको आरोपमा एक सरकारी कर्मचारी पक्राउ परेका छन् ।
तामाकोशी गाउँपालिकाकी ५ वर्षीया बालिका बलात्कार गरी फरार रहेका खानेपानी तथा सरसफाई डिभिजन कार्यालयका कर्मचारी कमल बजगाई पक्राउ परेका छन् ।
भदौ २१ गते घरमै खेलिरहेकी बालिकालाई बजगाईले बलात्कार गरेको आरोप लागेको छ । घटनालगत्तै उनी फरार भएका थिए ।
जिल्ला प्रहरी कार्यालय दोलखाको विशेष टोलीले बिहिबार काठमाडौको कोटेश्वरबाट बजगाईलाई पक्राउ गरेको दोलखाका प्रहरी प्रमुख डिएसपी वासुदेव पाठकले जानकारी दिए ।
पीडितका आफन्तले दिएको किटानी जाहेरीका आधारमा उनलाई पक्राउ गरिएको प्रहरीले जनाएको छ । प्रहरीका अनुसार बालिकाको स्वास्थ्य परीक्षणबाट बलात्कार पुष्टि भइसकेको छ ।
