मेयरले लेखा अधिकृतलाई कार्यालयमै झापड हानेपछि यस्तो भयो हङ्गामा
महोत्तरीको भँगाहा नगरपालिकाका प्रमुख (मेयर) सञ्जीवकुमार साहले लेखा अधिकृत पवनकुमार अधिकारीलाई कार्यालयमै झापड हानेपछि हङ्गामा भएको छ ।
कार्यालयको काममा ढिलासुस्ती गरेको भन्दै आक्रोशित मेयरले लेखा अधिकृत अधिकारीलाई झापड हानेको जनाइएको छ । पटक–पटक मौखिक र लिखित निर्देशन दिँदा पनि अटेरी गरेपछि दुई झापड हानेको मेयर साहले स्वीकारेका छन् ।
‘नगरपालिकाको हिसाब–किताब पारदर्शी राख्न र जनप्रतिनिधिलाई दिन पटक–पटक निर्देशन दिएपछि लेखा अधिकृतले अटेरी गरेपछि झापड हान्नु परेको हो’, साहले भने ।
मेयरको व्यवहारले नगरपालिकाका कर्मचारी आक्रोशित भएका छन् । मेयरमाथि कार्वाहीको माग गर्दै प्रमुख जिल्ला अधिकारीलाई ज्ञापनपत्र दिने र अन्य कानूनी प्रक्रियाबारे आन्तरिक छलफल भइरहेको लेखा अधिकृत अधिकारीले बताएका छन् ।
