सट्टेबाज नागराजको सम्पती छानबिन हुने, बुझाईयो सम्पती शुद्धिकरण विभागलाई
इन्डियन प्रिमियर लिग-आईपिएललगायत थुप्रै ब्यावशायियक खेलकुद प्रतियोगितामा सट्टेबाजीको आरोप लागेका नागराज भनिने नथमल अग्रवालमाथी अब सम्पती शुद्धिकरण अनुसन्धान विभागले छानबिन गर्ने भएको छ।
महानगरीय प्रहरी अपराध महाशाखाको टोलीले नागराजलाई विभागको जिम्मा लगाएको हो।
यसअघि आईपिएल लगायत प्रतियोगितामा सट्टेबाजी गरेबापत मनग्य आम्दानी हुनेमध्ये तीन करोड रुपैयाँभन्दा बढी ठगी गरेको आरोपमा महाशाखाले नागराजलाई पक्राउ गरेको थियो। यस अभियुगमा नागराज ४० लाख धरौटी बुझाएर छुटेका थिए।
