राहुल गान्धीको डिनर- दार्जिलिङ मोमो, चिकेन कुरकुरे र बँदेलको मासु



 

भारतीय कांग्रेसका अध्यक्ष राहुल गान्धी कैलाश मानसरोवर यात्रामा निस्किएका छन्। उनको यो धार्मिक यात्राले भारतीय राजनीतिमा हलचल मच्चाएको छ। राहुलको मानसरोवर यात्राको ट्रान्जिट प्वइन्ट नेपाल बन्यो।

राहुल शुक्रबार बेलुका काठमाडौँ आए। उनले रात काठमाडौँमै बिताए। काठमाडौँ आएका राहुलले बेलुका नेवारी खाना खाएका छन्। उनले काठमाडौँको लाजिम्पाटमा रहेको भूतू फुड वुटिकमा नेवारी खाजा खाएका हुन्।

राहुल आफ्ना साथीहरुसहित बेलुका ९ बजेतिर आफ्नो रेस्टुरेन्टमा आएको भूतूका सञ्चालक डिजे राजु सिंहले जानकारी दिए। उनले भने, ‘उहाँहरु चारजना आउनु भएको थियो। बेलुका ९ बजेतिर आएर झण्डै दुई घण्टा यहाँ बस्नुभयो।’

सुरुमा आफूहरुले नचिनेको सञ्चालक सिंहले बताए। उनले भने, ‘हामी कसैले चिनेका थिएनौँ, एकजना गेस्टले चिनेर सेल्फी खिच्न गएपछि थाहा पायौँ।’

राहुलले रेस्टुरेन्टमा नेवारी मिट प्वाटर, दार्जिलिङ मःमः, चिकेन कुरकुरे तथा बँदेलको मासु खाएको सञ्चालक सिंहले  जानकारी दिएका छन्।

सञ्चालक सिंहले भने, ‘हाम्रोमा सधैँ आउने एकजना गेस्टले मेरो इन्डियन साथी आउनुभएको भनेर ल्याउनु भयो। अरु केही भन्नुभएको थिएन। यहाँ आउने पूर्व जानकारी पनि थिएन। हामी त पछि राहुल गान्धी भन्ने थाहा पाएर अचम्मित भयौँ।’

प्रतिक्रिया दिनुहोस
शर्मिला वाइबालाई चार दिन हिरासतमा राख्न अनुमति

    आफूलाई अभियन्ता बताउँदै व्यक्तिगत विषयहरुमा सामाजिक सञ्जालमार्फत टिप्पणी गर्ने शर्मिला वाइबालाई

सरकारको आफ्नै काम कारबाहीप्रति प्रधानमन्त्रीको असन्तुष्टि

    अर्थमन्त्री डा.प्रकाशशरण महतसँगको खटपटको चर्चाबीच प्रधानमन्त्री पुष्पकमल दाहाल प्रचण्डले आफैँले किटान

दूधको भुक्तानी दे, किसान मार्न पाइँदैन भन्दै कृषिमन्त्रीको राजीनामा माग

    किसानहरूले लुम्बिनी प्रदेशका विभिन्न जिल्लामा कृषिमन्त्रीको राजीनामा मागसहित चक्काजाम गरेका छन्

परिस्थिति जटिल र चुनौतीपूर्ण छ : प्रधानमन्त्री प्रचण्ड

  प्रधानमन्त्री पुष्पकमल दाहाल प्रचण्डले आफू नेतृत्वको सरकारले लक्ष्य अनुसार परिणाम दिन नसकेको