मगर भाषाको फिल्म बनाउँदै यमकुमार
सितोरियो कराँतेका पुराना खेलाडी समेत रहेका कलाकार यम पुलामी मगर यतिवेला मगर भाषाको सिनेमा बनाउन जुटेका छन् ।
कथावस्तु तयार गरिरहेका यम यतिबेल कलाकारको खोजीमा छन् । मजुङ्ग भर्मी ( असल मान्छे ) नाम राखीएको उक्त चलचित्रको निर्देशन चर्चित हाँस्य टेलिचलचित्रका लेखक तथा निर्देशक भरत खपागीं मगरले गर्ने तय भएको छ ।
२० बर्ष अघि देखी कलाकारितामा लागेका यम पुलामी मगरले हाल सम्म आधा दर्जन सिनेमा र केही टेलिचलचित्रमा अभिनय गरेका छन् । मैथिली गीत “प्यारके पन्छि”को म्युजिक भिडियोमा नृत्य सिकाएका यम अभिनय गरेको कानुङ्ग क्रान्ति (हाम्रो क्रान्ति) चर्चित सिनेमा हो । यो सिनेमाको लेखन तथा निर्देशन चर्चित उपन्यासकार भुवन थापाले गरेका थिए ।
२०३५ सालमा धनुषाको ढल्केवरमा जन्मिएका यम सितोरियो कराँतेका टु डन हुन् । केही समय ढल्केवरमा सितोरियो कराँते खेलाएका उनि पछिल्लो समय कलाकारितातिर आकर्षित भएका हुन् भने उनले भारतमा समेत गएर आफ्नो खेल प्रदर्शन गरिसकेका छन् । भारतमा गेम खेलेर उनले दुई ओटा गोल्ड मेडल समेत प्राप्त गरेको बताए ।
मगर समुदायको भाषा सँस्कृती विकास गर्नको लागि आफू मगर भाषाको चलचित्र निर्माण तथा प्रवर्दनमा लाग्न लागेको यमले बताए । उनले भने , चलचित्र मार्फत मगर भाषाको सिनेमालाई राष्ट्रीय र अन्तराष्ट्रिय रुपमा प्रवद्र्धन गर्नु मेरो मुख्य उदेश्य हो ।
विजयकुमार साह
