रिसाए किम जोङ उन, सनकीपनले ल्याउन सक्ने खतराको सामना गर्न यस्तो दिए कडा चेतावनी
उत्तर कोरियाली नेता किम जोङ उनले आफ्नो देशमाथि अन्तर्राष्ट्रिय प्रतिबन्ध नहटाइएकोमा कडा निन्दा गरेका छन् ।
उत्तर कोरियाली सञ्चार माध्यमका अनुसार, नेता किमले मुलुकको उत्तरमा निर्माणाधीन परियोजनाको निरीक्षणका क्रममा अन्तर्राष्ट्रिय समुदायले उत्तर कोरियाको सकारात्मक पहललाई अझै बुझ्न नसकेको गुनासो गरे ।
पत्नीसहित उच्च अधिकारीका साथमा रहेका किमले साम्जीयोन काउन्टीमा सञ्चालित विकास परियोजनाको निरीक्षण गरेका थिए । यो परियोजनास्थल उनका बाबु किम जोङ इलको जन्मस्थान हो ।
ुदुश्मनले लगाएको प्रतिबन्ध र अबरोधक क्रियाकलाप हाम्रो समाजवादमाथिको विकासमा गम्भीर बाधा उत्पन्न गरिरहेका छन् , किमको भनाई उद्धृत गर्दै केसीएनएले भनेको छ, कठिन परिस्थितिमा पनि महान नेताको नेतृत्वमा आमजनताले ऐतिहासिक सफलता प्राप्त गर्नेमा हामी ढुक्क छौं ।
गत साता किमले पूर्वी तटीय क्षेत्रमा निर्माणाधीन वोन्सान-कल्माको निरीक्षणका क्रममा पनि दुश्मनहरुले लुटेरा शैलीमा अबरोध गरेको आरोप लगाएका थिए ।
किमले अमेरिकाका तर्फबाट दबाब सिर्जना गर्न विगतमा उत्तर कोरियाविरुद्ध लगाइएका आर्थिक तथा अन्य प्रतिबन्ध खुला गर्नुको साटो अझ कडा पारेको भन्दै आलोचना गरिरहेका छन् ।
अमेरिकी अर्थ मन्त्रालयले बुधबार मात्र उत्तर कोरियामाथि लगाइएका आर्थिक अबरोधलाई बेवास्ता गर्ने चिनियाँ र रुसी फर्ममाथि नयाँ प्रतिबन्धहरु लगाएको थियो ।
