ट्याक्टरले बनाएको खाल्डोमा परेर एक वृद्धको मृत्यु

 

 

सडकमा ट्याक्टरले बनाएको खाल्डोमा परेर तेह्रथुममा एक व्यक्तिको मृत्यु भएको छ । म्याङलुङ नगरपालिका–१ स्थित जिविस टोलबाट गणेश इँटा उद्योग जाने बाटोमा ट्याक्टरले बनाएको खाल्डामा परेर म्याङलुङ्ग नगरपालिका–१०, तम्फुलाका झाँक्री कान्छा भनिने करिब ६० वर्षीय ठगबहादुर पुर्कुटीको मृत्यु भएको हो ।

 

ठगबहादुरको शव शनिबार बिहानै सडकमा ट्रयाक्टरले बनाएको खाल्डोमा लडेको अवस्थामा फेला परेको थियो । उनीको मुन्टो खाल्डोमा रहेको हिलोमा जोतिएको थियो । खाल्डोमा घोप्टिएर लडेपछि उठ्न नसकेर उनको मृत्यु भएको हुनसक्ने प्रहरीको अनुमान छ ।

 

घटनाबारे विस्तृत विवरण आउन बाँकी रहेको जिल्ला प्रहरी कार्यालयले जनाएको छ । स्थानीयबासीले भने पुर्कुटीले मादक पदार्थ सेवक गरेर हिड्ने भएका कारण लडेर मृत्यु भएको हुनसक्ने बताएका छन् ।