गृहले गर्यो सिडिओको सरुवा हेर्नुहोस (सूचिसहित )
गृह मन्त्रालयले प्रमुख जिल्ला अधिकारीको सरुवा गरेको छ । गृहका अनुसार काठमाडौंका प्रमुख जिल्ला अधिकारीका रुपमा केदार न्यौपानेलाई सरुवा गरिएको छ ।
त्यस्तै मोरङमा रामप्रसाद आचार्य, कास्कीमा तारानाथ अधिकारी, मकवानपुरमा चक्रबहादुर बुढा, बाँकेमा रमेश केसी, सिन्धुपाल्चोकमा आस्मान तामाङ, कपिलवस्तुमा मदन भुजेललाई प्रमुख जिल्ला अधिकारीका रुपमा सरुवा गरिएको छ ।
त्यस्तै मोहनबहादुर जिसीलाई ताप्लेजुङ, वेदनिधी खनाललाई तेह्रथुम, कृष्णबहादुर घिमिरेलाई प्यूठान, जनकराज पन्तलाई ओखलढुंगा, विश्वराज न्यौपानेलाई दैलेखमा प्रमुख जिल्ला अधिकारीका रुपमा सरुवा गरिएका छन् ।
साढे ३३ केजी सुन र सनम शाक्य छानविन समितिका संयोजक इश्वरराज पौडेललाई भने अध्यागमन विभागमा सुरुवा गरिएको छ ।
