पासपोर्ट नभएका मन्त्रीका कारण यात्रीलाई सास्ती, पासपोर्ट विनै यसरी उड्न खोज्दैथिए बैंकक
अहिलेको सरकारमा रहेका मन्त्रीहरु ताल तालका छन् । कसैको बोलीमा लगाम नहुँदा मन्त्री पद नै खुस्कियो । त कोही बोल्न नजान्दा विवादमा तानिदै आएका छन् ।
यस्तै हालैमात्र सरकारमा सहभागी भएका सरकारका उपप्रधानमन्त्री उपेन्द्र यादव पनि आफ्नै सानो कमजोरीका कारण यात्रुहरुले अनावश्यक हैरानी खेप्नु परेको छ ।
उनका कारण हिजो थाई एयरको जाहाजबाट बैंककातिर उड्न लागेका यात्रुहरुले सास्ती र हैरानी खेप्नु परेको छ । खासमा भएको के थियो भने उपप्रधानमन्त्री उपेन्द्र यादव कार्यक्रमको सिलसिलामा काठमाडौंबाट बैंकक उड्ने तयारी गर्दै थिए ।
विमान उड्ने निर्धारित समयभन्दा १० मिनेट अगाडि उनी विमानस्थल पुगे । यसरी विदेश भ्रमणमा निस्कन लागेका उपप्रधानमन्त्रीसँग त पासपोर्ट नै रहेनछ । परराष्ट्र मन्त्री समेत बनिसकेका उपप्रधान तथा स्वास्थ्यमन्त्री उपेन्द्र यादवलाई विदेश भ्रमणका लागि पासपोर्ट अनिवार्य चाहिने कुराको ज्ञान हुनुपर्ने हो ।
उनलाई हतार हतार विशेषाधिकार प्रयोग गरी अर्को रातो पासपोर्ट बन्यो। र हस्तलिखित बोर्डिङ पास दिएर बैंककतिर त उयडाइयो तर उनकै कारण सर्वसाधरणको यात्रा ४५ मिनेट लम्बिन पुग्यो ।
