नाङ्गै मैदानमा नआउन कांग्रेसलाई प्रधानमन्त्री ओलीको चेतावनी

 

प्रधानमन्त्री केपी शर्मा ओलीले प्रमुख प्रतिपक्षी दल नेपाली कांग्रेस अहिलेको सिस्टम (प्रणाली) लाई असफल बनाउन लागिरहेको अरोप लगाएका छन् ।

नेकपा निकट प्रेस चौतारी र प्रेस सेन्टरआवद्ध सञ्चारकर्मीसँग मंगलबार भएको अनौपचारिक छलफलमा प्रधानमन्त्री ओलीले सामन्ती राजतन्त्र मान्न सक्ने कांग्रेस अहिले जनताले छानेको प्रतिनिधिको शासन र सरकार मान्न तयार नभएको आरोप लगाए ।

‘कांगे्रस अहिलेको बस्त्र उतारेर मैदानमा आएको छ’, नेकपामा अध्यक्ष समेत रहेका प्रधानमन्त्री ओलीको भनाई उधृत गर्दै एक सहभागीले भने ‘कांग्रेसले लोकतन्त्रको रक्षा गर्दैन । अब लोकतन्त्रको रक्षा कम्युनिष्टले गर्छन । नीति र व्यहारमा कांग्रेसलाई हामी चुनौति दिन चाहन्छौं ।’

ओलीले विगतमा ५० लाख दिएर प्रचण्डको टाउको ल्याएर आउ भन्ने कांग्रेसलाई उनै प्रचण्ड शासक हुँदा सही नसक्नु भएको तर्क गरे । ‘हिँजो हामी भूमिगत हुँदा राम्रोसँग खान नपाएर ख्याउटे हुँदा र फाटेको जुत्ता लगाएको देखेका कांग्रेसहरुलाई आज हामीले नै सत्ता चलाएको सहिनसक्नु भएको छ’ ओलीले भने ।

नेकपा एमाले र नेकपा माओवादी केन्द्र एकीकृत भएर नेकपा गठन भए पनि तिनका भातृ र शुभेच्छुक संघ÷संस्था भने अझै एकीकृत हुन सकेका छैनन् ।