जुम्लामा गोली चल्यो, एक प्रहरी सहित दर्जनौ प्रदर्शनकारी घाइते
जुम्लाः प्राध्यापक डाक्टर गोविन्द केसी अनशनरत जुम्लास्थित कर्णाली स्वास्थ्य विज्ञान प्रतिष्ठान ुरणभूमिुमा परिणत भएको छ । बिहानैदेखि डाक्टर केसीलाई प्रतिष्ठानबाट निकालेर काठमाडौँ पठाउन प्रयासरत प्रहरी र केसीका समर्थक तथा विद्यार्थीहरुबीच झडप हुँदा अस्पताल ुरणभूमिु बनेको हो ।
केसी अनशनरत प्रतिष्ठानमा पस्न खोजेका प्रहरीलाई रोक्न भेला भएका विद्यार्थीसँग झडप हुँदा दर्जनौँ घाइते भएका छन् । झडपका क्रममा गोली चल्दा एकजना प्रहरी गम्भीर घाइते भएका छन् । छातीमा गोली लागेका उनको अहिले प्रतिष्ठानमै उपचार भइरहेको छ ।
झडपका क्रममा प्रहरीले बल प्रयोग गर्दा अस्पतालका भौतिक सामग्री क्षतिग्रस्त भएका छन् । अस्पतालभित्र झडपका क्रममा अश्रुग्याससमेत हानिएपछि विद्यार्थीहरुबीच भागाभाग भएको छ । झडपका क्रममा दर्जनौँ विद्यार्थी घाइते भएपछि अनशनर डा केसीले आफूले विद्यार्थीको रगत बगेको देख्न नसक्ने भन्दै काठमाडौँ जान तयार भएको बताएका छन् ।
