संसदीय दलको नेता चयनमा राजपामा भनाभन, महन्थ र राजेन्द्रको बोलचाल बन्द
संसदको तेस्रो ठूलो दल राष्ट्रिय जनता पार्टीलाई संसदीय दलको नेता चयन गर्न सकस परेको छ । चुनाव सकिएको सात महिना भइसक्दासमेत राजपाले दलको नेता चयन गर्न सकेको छैन ।
पटक पटक बसेको संसदीय दल र राजनीतिक समितिको बैठकमा दलको नेता चयनबारे छलफल भए पनि अहिलेसम्म निर्णय हुन सकेको छैन । संयोजक महन्थ ठाकुर र अध्यक्ष मण्डलका सदस्य राजेन्द्र महतोबीच प्रतिस्पर्धा हुँदा दलको नेता चयन हुन नसकेको हो ।
नेता चयनका लागि शनिबार (आज) चुनाव हुने भनिए पनि फेरि सहमितका लागि भन्दै तीन सयम थप गरिएको सांसद एकवाल मियाँले जानकारी दिए । उनका अनुसार मंगलबारसम्म सहमतिमै नेता चयन गर्ने प्रयास हुनेछ ।
पार्टीभित्र सहमतिमै दलको नेता चयन गर्न दबाब परे पनि ठाकुर र महतो दुवै पछि नहट्दा शनिबार नेता चयन हुन नसकेको हो । दलको बैठक शनिबार दिउँसो सिंहदरबारमा बोलाइएको छ । राजपाबाट प्रतिनिधिसभामा १७ र राष्ट्रियसभामा दुई जना सदस्य छन् ।
