‘कहीँ कतै’ नायक दिलीप रायमाझीका आँखामा आँशु
यहि श्रावण २५ गते अलनेपाल सार्वजनिक प्रदर्शनमा आउँने फिल्म ‘कहीँ कतै’ को ट्रेलर रिलीज भएको छ ।
शबिर श्रेष्ठ निर्देशित फिल्मको माया प्रेम रोमान्सका साथै रोधनले भरिएको ट्रेलर सार्वजनिक भएको हो ।
सार्वजनिक ट्रेलरमा नवकलाकारद्वय सोनम बरफुङ्गपा र सिवानी गिरीसँगै नायक दिलीप रायमाझी, किशोर खतिवडा, उमा ’बेबी’ गिरीलाई समेटिएको छ ।
ट्रेलरबाट फिल्मका केहि रोमान्टिक त केहि वियोगको कथामा रहेको प्रष्ट पार्छ । नायक रायमाझीका आँखामा आँशु छचल्किएको छ ।
सोनम र सिवानीको प्रेमकथासँगै पीडा पनि ट्रेलरमा पाईन्छ ।
सिवानी र सोनमले यहि फिल्मबाट डेब्यू गरेका हुन् ।
सिक्कीम स्थायि घर भएकी नव–नायिका गिरी मिस भारत र मिस हिमालयनमा फर्स्ट रनरअप भएकी थिइन् । हाल उनले अन्य दुई छायांकनरत नेपाली फिल्ममा अभिनय समेत गरिरहेकी छिन् ।
शिव ढकाल र बाबु श्रेष्ठको छायांकन रहेको चलचित्रलाई अर्जुन जिसीले सम्पादन गरेका छन् । द्वन्द्व निर्देशन रोशन श्रेष्ठको रहेको छ ।
चलचित्रका गीतमा सचिन सिंह र लक्की सिटौलाको संगीत रहेको छ ।
शबिर श्रेष्ठको लेखन तथा निर्देशन रहेको यस चलचित्रलाई काठमाण्डौ उपत्यकामा रिच इन्टरटेन्मेण्ट र उपत्यका बाहिर एफडि कम्पनीले वितरण गर्दैछन् भने डिजिटल वितरण हाईलाईट्स नेपालले गरेको छ ।
