ओलीलाई मीनेन्द्र रिजालको चेतावनी– रोबर्ट मुगाबेको बाटो नरोज्नुस् !
नेपाली कांग्रेसका नेता डा. मीनेन्द्र रिजालले प्रधानमन्त्री केपी शर्मा ओलीलाई जिम्बाब्वेका पूर्व शासक रोबर्ट मुगाबेको बाटो नरोज्न चेतावनी दिएका छन् ।
मुगाबेलाई जिम्बाब्वेको सर्वसत्तावादी नेताको रूपमा लिने गरिन्छ ।
प्रतिनिधिसभाको सोमवारको बैठकमा डा. केसीको जीवनरक्षाका लागि कांग्रेसका सांसद दिलेन्द्र बडुले पेश गरेको जरुरी सार्वजनिक महत्त्वको प्रस्ताव माथिको छलफलमा रिजालले प्रधानमन्त्री ओलीमा सत्ताउन्माद बढेको भन्दै यस्तो चेतावनी दिएका हुन् ।
‘सरकारमा सत्ताको उन्माद देखिँदैछ, सत्ता उन्मादको बाटो रोबर्ट मुगावेको बाटो हो, प्रधानमन्त्रीज्यू यो बाटो नरोज्नुस्,’ रिजालले भने ।
रिजालले डा. गोविन्द केसीलाई सर्वसत्तावादी भन्ने गृहमन्त्री रामबहादुर थापाको भनाइप्रति पनि विरोध जनाए ।
‘सशस्त्र द्वन्द्वको दीक्षामा रहेका गृहमन्त्रीले डा. केसीले लिएको सत्याग्रहको बाटोलाई अधिनाकयवाद् देख्नुहुन्छ’ उनले भने ।
रिजालले संस्कृत विश्वविद्यालयका उपकुलपति कुलप्रसाद कोइरालालाई गरिएको दुव्र्यवहारको पनि विरोध गरे ।
‘प्रम तपाईंले लामो संघर्ष गरेको हो, सत्ता उन्माद ज्ञानेन्द्रको सर्वसत्तावादको बाटो हो,’ रिजालले प्रश्न गरे, ‘कुलप्रसादलाई नियन्त्रणमा लिनु लोकतन्त्रको बाटो भयो ?’
