विदा हुने बेला भावुक हुँदै सिइओ भुसालले भने,सरकारले धन्यवाद समेत दिएन
राष्ट्रिय पुननिर्माण प्राधिकरणका प्रमुख कार्यकारी अधिकृत युवराज भुसाल पदमुक्त भएका छन् । पदमुक्त गरिएको पत्र दिँदा भावुक हुँदै सिइओ भुसालले भने सरकारले धन्यवाद समेत दिएन ।
पत्रकार भेटघाट कार्यक्रममा सिइओ भुसालले सरकारले पठाएको अवकास पत्र पढेर सुनाउँदै सरकारले चालेको कदम भने स्वागत योग्य रहेको बताएका छन् ।
आफ्नो साढे ८ महिना कार्यकाल सफल भएको बताउदै अघिल्लो सरकारका प्रधानमन्त्री शेरबहादुर देउवा र वर्तमान प्रधानमन्त्री केपी शर्मा ओलीलाई धन्यवाद दिए । सरकारले आफूलाई लक्षित गरि पदमुक्त गरेको नभई २०७४ भदौ १४ देखि फागुनसम्म अघिल्लो सरकारले नियुक्त गरेका सबै पदाधिकारीलाई सेवामुक्त गरेकोले त्यसमा कुनै गुनासो नरहेको उनको भनाई थियो ।
आफ्नो कार्यकालमा निजी आवास पुनर्निर्माणतर्फ २ लाख ३५ हजार भन्दा बढी घर निर्माण भएको, ५ लाख ४ हजार भन्दा बढी घर निर्माण भइरहेको, ७ लाख १२ हजार बढीले पहिलो किस्ता, ४ लाख ४१ हजारले दोश्रो किस्ता र १ लाख ९४ हजार बढीले तेश्रो किस्ता रकम पाएको उनले बताए।
