ओली र प्रचण्ड बिरुद्ध लगाए यस्तो नारा,ओली–प्रचण्ड सुन, तिम्रो मार्सी भोजनले जनताको भेट भरिन्न
सरकारले माइतीघर मण्डलासहितका ठाउँमा प्रदर्शन गर्न नपाउने गरी लागु गरेको निषेधाज्ञाको विरोधमा प्रदर्शन भएको छ ।
चिकित्सा शिक्षा विधेयकमा सरकारले गरेको परिमार्जनको विरोधमा अनशनरत डा. गोविन्द केसीको समर्थन तथा निषेधाज्ञाको विरोधमा प्रदर्शन भएको हो । माइतीघरबाट सुरु भएको प्रदर्शन बानेश्वरसम्म पुगेको थियो ।
प्रदर्शनकारीले डा. केसीको समर्थन, निषेधाज्ञाको विरोध तथा असहमति राख्न पाउने अधिकारीको पक्षमा नारा लेखिएका प्लेकार्ड बोकेका थिए ।
प्रदर्शनकारीले ओली सरकारको मिसन सिटामोलमा कमिसन, ओली सरकार खबरदार, मौलिक हकमा किन प्रहार, नखाउन्जेल खाउँखाउँ लाग्ने खाएपछि गुन तिर्न हतार लाग्ने के हो ?–मार्सी चामलको भात, भन्दै नारा लगाएका थिए ।
उनीहरुले ‘ओली र प्रचण्ड सुन, तिम्रो मार्सी भोजनले जनताको पेट भरिन्न’ भन्ने नारा पनि लगाएका थिए ।
प्रकाशित मिति : २३ असार २०७५, शनिबार १४ : २८ बजे
