प्रदेश प्रमुखहरुलाई घर फर्काउने ओलीको निर्णय, यसरी भो यिनको जागीर चट्
केपी शर्मा ओली नेतृत्वको सरकारले सातै प्रदेशका प्रमुखहरूलाई हटाएको छ । प्रदेश सांसदहरुलाई सपथ खुवाएका सबै प्रदेश प्रमुखहरुलाई ओली सरकारको एकै निर्णयले घर फर्काएको हो ।
बुधबार राति बसेको मन्त्रिपरिषद् बैठकले उनीहरूलाई हटाउने निर्णय गरेको थियो । ओली सरकारले गत भदौ १४ गतेदेखि ओलीले सपथ नखाउन्जेलसम्म (फागुन ३ गते) शेरबहादुर देउवा नेतृत्वको सरकारले गरेका राजनीतिक सबै नियुक्तीलाई फिर्ता गर्ने क्रममा प्रदेश प्रमुखहरु पनि घानमा परेका हुन् ।
नेपाली कांग्रेसका सभापति शेरबहादुर देउवा नेतृत्वको सरकारले माघ ३ गते सातै प्रदेशमा प्रमुखहरू नियुक्त गर्न राष्ट्रपतिलाई सिफारिस गरेको थियो।
सोही अनुसार नियुक्ति खाएका प्रदेश १ का गोविन्द सुब्बा, प्रदेश २ का रत्नेश्वरलाल कायस्थ, प्रदेश ३ की अनुराधा कोइराला, प्रदेश ४ का बाबुराम कुँवर, प्रदेश ५ का उमाकान्त झा, प्रदेश ६ का दुर्गाकेशर खनाल र प्रदेश ७ का मोहनराज मल्ललाई ओली सरकारले हटाएको हो ।
सरकारले यसरी प्रदेश प्रमुखहरु हटाएपछि यसले निम्त्याउने अभ्यास पक्कै पनि राम्रो नहुने बताइन्छ । यसरी सरकारले हरेक क्षेत्रमा आक्रमण गर्न थालेपछि मुलुककै परिस्थिति प्रतिकुल बन्दै जाने विष्लेषणसमेत गर्न थालिएको छ ।
