भ्रष्टाचारको आरोपमा मलेसियाका पूर्व प्रधानमन्त्री नाजिब पक्राउ
मलेसियाका पूर्व प्रधानमन्त्री नाजिब रजाक पक्राउ परेका छन् ।
वान एमडीबी राज्य लागनी कोषमा भएको भ्रष्टाचारको आरोपबारे अनुसन्धान अन्तरगत उनलाई पक्राउ गरिएको अलजजिराले उल्लेख गरेको छ ।
नाजिबको परिवारको वकिलले च्यानल न्युज एसियासँग कुरा गर्दै उनीमाथि वान एमडीबी राज्य लागनी कोषमा भ्रष्टाचार गरेको आरोप लगाइएको छ ।
यसअघि मंगलबार मलेसियाको एन्टी करप्सन एजेन्सीले नाजिबका छोरा तथा हलिउडका चलचित्र निर्माता रिजा अजिजसँग पनि सोधपुछ गरेको थियो ।
यही भ्रष्टाचार काण्डका कारण नाजिबको गठबन्धनले गत मे ९ मा भएको चुनावमा हार बेहोर्नु परेको थियो ।
नयाँ सरकार बनेसँगै भ्रष्टाचार प्रकरणमा छानबिन शुरु गरिएको थियो ।
