क्लाईमेक्स सस्पेन्स राख्न ‘रेश ३’ को यस्तो जुक्ति
सिनेमाको सबैभन्दा होल्ड गर्ने पाटो हो, क्लाईमेक्स । तर, कहिलेकाही छायांकन स्थलबाटै सिनेमाको क्लाईमेक्सका दृश्यहरु बाहिरीने गरेका छन्, जसले सिनेमा हेर्दा खल्लो लाग्छ । या त, टिमकै केही मानिसहरुले क्लाईमेक्सको बारेमा एक कान दुई कान मैदान गर्न पनि सक्छन् ।
तर, ‘रेश ३’ युनिट यो कुराबाट निकै सजग देखिएको छ । ‘रेश ३’ ले मल्टिपल क्लाईमेक्स खिचेको छ । जसमध्ये कुन चाही क्लाईमेक्स सिनेमामा हुन्छ भन्ने कुरा सिनेमाको एकदमै कोर टिमलाई मात्र थाहा हुनेछ । बाँकी टिम मेम्बरलाई समेत कुन चाही क्लाईमेक्स सिनेमामा हुन्छ भन्ने रिलिजको दिन मात्रै थाहा हुनेछ ।
सिनेमाको बारेमा गरिएको अड्कलहरु सबै फेल खाओस्, अनि नसोचिएको क्लाईमेक्स होस् भनेर सिनेमा युनिटले धेरैवटा क्लाईमेक्स खिचेको छ । सिनेमाको ट्रेलर र गीतले दर्शकहरुलाई ‘रेश ३’ को बारेमा निकै कौतुहल बनाएको छ । निर्माण युनिट पनि सिनेमालाई हरेका कोणबाट उत्कृष्ट बनाउन निकै मेहनत गरिरहेको छ ।
सलमान खान, ज्याकलिन फर्नान्डेज, अनिल कपूर, बबी देओल, डेजी शाह लगायत कलाकारले अभिनय गरेको यो सिनेमा जून १५ बाट रिलिज हुदैंछ । सिनेमालाई रेमो डिसुजाले निर्देशन गरेका हुन् ।
