मदन भण्डारी नभएको भए ०४६ सालको आन्दोलन नै नहुने प्रधानमन्त्री ओलीको ठोकुवा
प्रधानमन्त्री तथा नेपाल कम्युनिस्ट पार्टी ९नेकपा० का अध्यक्ष केपी शर्मा ओलीले जननेता मदन भण्डारी नभएको भए ०४६ सालको जनआन्दोलन नै नहुने बताउनु भएको छ ।
जननेता मदन भण्डारीले नेपाली कांग्रेसलाई मिलेर आन्दोलनमा जान सहमत गराएपछि मात्र २०४६ सालमा संयुक्त आन्दोलन भएको ठोकुवा प्रधानमन्त्री ओलीले गर्नुभएको हो । ‘जननेता मदन भण्डारीले नेपाली कांग्रेसलाई मिलेर आन्दोलनमा जान सहमत गराएपछि मात्र २०४६ सालमा संयुक्त आन्दोलन भएको हो, उहाँ नभएको भए जनआन्दोलन नै हुने थिएन,’ प्रधानमन्त्री ओलीले भन्नुभयो ।
मदन भण्डारीको ६७औं जन्मजयन्तीका अवसरमा भएको आज आयोजित विचार गोष्ठीमा बोल्दै प्रधानमन्त्री ओलीले नेपालको जनआन्दोलन मात्र नभई भण्डारीले विश्व कम्युनिस्ट आन्दोलनलाई नै नयां गति र बाटो दिएको ठोकुवा गर्नुभयो ।
कार्यक्रममा नेपली कांग्रेसकी नेतृ सुजाता कोइरालाले आफू जर्मनीमा रहेका बेला अमेरिका बाट निस्कने न्युजविक पत्रिकमा मदन भण्डारीको अन्तर्वार्ता पढेको प्रसंग कोट्याउंदै मदन भण्डारी सांच्चिकै जादुरगरी नेता बताएको बताउनु भयो ।
