तरुण दलले यसरी हाने ओलीलाई वाण, नयाँ नारा, पाँच हजारको नाराले दुख पाए साराले
काङ्ग्रेसको भातृ संगठन तरुण दलले महंगी र भ्रष्टाचार बढेको तथा अदालत र प्रेश स्वतन्त्रताको सरकारले नै अपमान गरेको भन्दै प्रदर्शनसहित विरोधसभा गरेको छ ।
तरुण दलका नेता कार्यकर्ताहरु बुधबार काठमाडौको रत्नपार्कस्थित शान्ति बाटिकामा भेला भएर प्रदर्शनसहित विरोधसभा गरेका हुन् ।
विरोधसभामा तरुण दलका अध्यक्ष जीतजंग बस्नेत लगायतले सम्बोधन गरेका थिए ।
सम्बोधनका क्रममा अध्यक्ष बस्नेतले महंगीले सर्वसाधारण जनाताको चुल्हो बल्नै नसक्ने अवस्थामा पुग्दा पनि सरकार भने र्दु तिहाइको दम्भ देखाएर बसेको अरोप लगाए ।
उनले बामपन्थी सरकारका क्रियाकलाप जनसरोकारका मुद्दामा केन्द्रीत हुनुको साटो राज्यसंयन्त्रको दुरुपयोग गर्नेतर्फ केन्द्रीत हुन थालेकाले तरुणदलले विरोध गर्नुपरेको बताए ।
विरोधसभाअघि तरुण दलका कार्यकर्ताहरु बालाजु, कलंकी, कोटेश्वर, लगनखेल लगायतबाट रत्नपार्क पुगेका थिए ।
पछिल्लो समय पिवक्षी काँग्रेसले सरकारमाथि दवाव बनाउने नीति ल्याएको छ ।
संसदमा पार्टी आफै सत्तापक्षसँग भिडेको छ भने सडकमा उसले भातृसंस्थालाई उचालेको छ ।
