प्रधानमन्त्री ओलीसँग कार्यकर्ताले हरेक महिनाको १ र १५ गते भेट्न पाउने
प्रधानमन्त्री केपी शर्मा ओलीले आफ्नो पार्टीको कार्यकर्ता तथा संघीय संसदलाई भेट्ने समयतालिका तयार गरेका छन् । कार्यकर्ता र संसदले समय नदिएको भन्ने गुनासो बढ्दै गएपछि प्रधानमन्त्री ओलीले भेटघाटका लागि समय निर्धारण गरेका हुन् ।
प्रधानमन्त्रीको नीजि सचिवालयका अनुसार हरेक शुक्रबार प्रदेश सांसदलाई भेट गर्ने र प्रतिनधिसभा र राष्ट्रियसभामा सहभागिता जनाउने तथा महिनामा दुई दिन आफ्ना कार्यकर्तासँग भेटघाट गर्नेगरी प्रधानमन्त्रीको समय निर्धारण गरिएको छ ।
नेपाल कम्युनिस्ट पार्टी ९नेकपा०का अध्यक्ष समेत रहेका प्रधानमन्त्री ओलीले आफ्ना कार्यकर्तालाई महिनामा दुई दिन भेट्ने भएका छन् । पछिल्लो समय आफ्ना अध्यक्षले भेटघाटको समय नदिएको गुनासो बढ्दै गएको थियो । त्यसैलाई मध्येनजर गर्दै उनले कार्यकर्तामा लागि समय छुट्याएका हुन् ।
प्रधानमन्त्री ओलीलाई अब आफ्ना कार्यकर्ताले हरेक महिनाको १ र १५ गते मात्र भेटघाट गर्न पाउने भएका छन् । प्रधानमन्त्रीका प्रेस सल्लाहकार डा।कुन्दन अर्यालद्वारा जारी विज्ञप्तिमा ‘हरेक महिनाको १ र १५ गते कार्यकर्तालाई भेट्ने’ समय छुट्याइएको छ ।
प्रधानमन्त्री ओलीले हरेक महिनाको १ गते ११ बजेदेखि दिउँसो १ बजेसम्म नेकपाको कार्यलय धूम्बाराही र १५ गते पेरिस डाँडास्थित कार्यलयमा कार्यकर्तालाई भेट्ने भएका छन् । प्रधानमन्त्रीले नियमित भेटघाटका अतिरिक्त हरेक शुक्रबार प्रतिनिधिसभा र राष्ट्रियसभामा सहभागी हुने भएका छन् । उनले शुक्रबार नै सांसदहरुसँग पनि भेटघाट गर्ने समय निर्धारण गरेका छन् ।
नियिमति रुपमा शुक्रबार दिउँसो ३ देखि ५ बजेसम्म सिंहदरबारमा सांसदसँग भेटघाट गर्ने व्यवस्था मिलाइएको सचिवालयले छ ।
त्यस्तै, प्रधानमन्त्री तथा नेकपाका अध्यक्ष ओलीसँग सात प्रदेशबाट प्रतिनिधित्व गर्ने नेकपाका सांसदसँग साप्ताहिक रुपमा भेटघाट गर्ने कार्यक्रम तय गरिएको छ ।
प्रधानमन्त्रीको व्यस्त समय तालिकाका कारण सबैसँग भेटघाट गर्न समय तालिका निर्धारण गरिएको प्रधानमन्त्रीको नीजि सचिवालयद्वारा जारी विज्ञप्तिमा उल्लेख छ ।
