पूर्वराजाले काठमाडौंमा जन्मदिन नमनाउने, लागे नेपालगन्ज तिर, कसलाई भेटदैछन त्यहाँ
पूर्वराजा ज्ञानेन्द्र शाहले यसपटकको जन्मदिन काठमाडौंमा नमनाउने भएका छन् । दुई हप्ता लामो ‘टुर’का लागि नेपालगन्ज जान लागेका पूर्वराजाले उतै जन्मदिन मनाउने भएका हुन् ।
उनी असार २० गते नेपालगन्ज जाँदैछन् । उनका साथमा श्रीमती कोमल पनि जाने निजी सचिवालयले जनाएको छ । पूर्वराजा ज्ञानेन्द्रको जन्मदिन भने असार २३ गते पर्छ ।
पूर्वराजाले नेपालगन्जको सोल्टि होटलमा जन्मदिन मनाउने तयारी गरेको उनको निजी सचिवालयले जनाएको छ । यसअघिका वर्षहरुमा उनले निर्मल निवासमा जन्मदिन मनाउदै आएका थिए ।
उनी असार २३ बाट ७२ वर्षमा प्रवेश गर्नेछन् । साताव्यापी जन्मोत्सव मनाउने गरि काठमाडौंमा यज्ञप्रसाद आचार्यको अध्यक्षतामा ३५ सय ७२ सदस्यीय मूल आयोजक समिति गठन गरिएको थियो ।
