शेयरमा फेरी १० अंकले गिरावट
नेपाल स्टक एक्स्चेन्जका अनुसार नेप्से परिसूचक ९।७२ अंकले घटेर एक हजार २१० बिन्दुमा आइपुगेको छ ।
यस्तै ‘क’ वर्गका कम्पनीको शेयरको मापन गर्ने सन्सेटिभ परिसूचकसमेत २।०७ बिन्दुले घटेर २५३।९७ बिन्दुमा पुगेको छ । आज कूल १५८ कम्पनीको पाँच लाख ७४ हजार ७८१ कित्ता शेयर रु १८ करोड ५१ लाख ७० हजार मूल्यमा खरिद बिक्री भएको छ ।
आज दुई उपसमूहको शेयर भने बढेको छ । होटल २।२६ बिन्दु र उत्पादन समूहको शेयर १।८६ बिन्दुले बढेको छ । यस्तै बैंकिङ ८।११, विकास बैंक १०।२९, जलविद्युत् १७।१२, फाइनान्स ०।९४, बीमा ७९।७६, अन्य ३।१ र माइक्रोफाइनान्स १३।७५ बिन्दुले घटेको छ ।
