यसकारण देउवाको क्षेत्रमा देशकै कम बजेट
नेपाली कांग्रेसक सभापति शेरबहादुर देउवाको क्षेत्रमा देशकै सबैभन्दा कम बजेट विनियोजन भएको छ ।
देउवा पाँच पटक देशको प्रधानमन्त्री बनिसकेका ब्यक्ति हुन । देउवा प्रदेश नम्वर ७ डढेल्धुराबाट संसदमा प्रतिनिधत्व गरेपनि देशकै ठुला नेता हुन् ।
विगत लामो समयदेखि नेपाली राजनीतिमा शक्तिशाली ब्यक्ति बन्दै आएका देउवा अहिले भने निकै कमजोर सावित भएका छन् । त्यसो त भर्खर मात्र सम्पन्न भएको जिल्ला सभापतिहरुको भेला हेटौडामा हुँदा पनि उनलाई आफ्नै कार्यकर्ताहरुले नमिठो गरी पेलेका थिए । उनी पाँच पटक प्रधानमन्त्री बन्दा सवै बेला कुनै न कुनै तनाव भयो । कहिले राजाबाट अपदस्थ त कहिले जनताबाट अपदस्त । २०७४ सालको निर्वाचनमा उनी जनताबाट अपदस्त भए । कांग्रेस राजनीतिमा शक्तिशाली भएपनि राज्यसञ्चालनका सयन्त्र र नेपाली राजनीतिमा कमजोर बन्दै गएका छन् ।
बाम गठबन्धनको सरकारले सबैभन्दा कम बजेट प्रदेश नम्वर ७ र कर्णाली प्रदेशमा छुट्याएको छ । सुदुरपश्चिमका नामबाट चिनिने ७ नम्वर प्रदेशका ९ जिल्लामा कुल २१ अर्ब ७० करोड रकम विनियोजन भएको छ । सत्ता प्रभावमा वितरण भएको बजेटले देउवाको गृहजिल्ला डडेल्धुरामा देशकै कम बजेट बिनियोजन गरेको छ । देउवाको गृहजिल्लामा ७ स्थानीय तह छन् । जहाँ १ अर्ब ५० करोडमात्र बजेट निनियोजन भएको छ ।
प्रदेश नम्वर ७ मा कम बजेट निनियोजन गरेपछि त्यहाँका सांसदहरुले जमेरै संसदमा सरकारको विरोध गरे । मन्त्रीहरुको गृहजिल्लामा धेरै बजेट परेपछि चौतफी विरोध पनि भएको थियो । आफ्नै सांसदहरुले संसदमा बजेटको चर्को विरोध गरेपछि नेकपाले संसदीय दलको बैठक नै बोलाउनु परेको थियो । प्रधानमन्त्री तथा नेकपा संसदीय दलका नेता केपी शर्मा ओलीले संसदमा संसदीय मर्यादाभित्र रहेर विरोध गर्न निर्देशन दिनु परेको थियो ।
तर प्रतिपक्षमा रहेका कांग्रेस सांसदहरु भने विरोध गर्ने तहसम्म नै पुगेका छैनन् । कांग्रेस सरकारका पालामा धेरै बजेट कांग्रेस मन्त्री र सांसदका गृहजिल्लामा जाने गरेको थियो ।
तर प्रतिपक्षमा रहेका कांग्रेस सांसदहरु भने विरोध गर्ने तहसम्म नै पुगेका छैनन् । कांग्रेस सरकारका पालामा धेरै बजेट कांग्रेस मन्त्री र सांसदका गृहजिल्लामा जाने गरेको थियो ।
