उपेन्द्र यादव र पद्मा अर्यालको बोलचाल बन्द, यसरी बनाए उपेन्द्रले राज्य मन्त्रीको बेहाल

जिम्मेवारी केही नपाउँदा र नहँुदा पनि मन्त्री भइरन मिल्ला र ? धेरैले प्रश्न गर्न सक्छन् । तर, फरक दलका मन्त्रीबाट कुनै जिम्मेवारी र अधिकार नपाएपनि मन्त्रालयको कुर्सिमा बसिरहन भने चाहना हुने रै’छ ।

यस्तै भएको नेकपा एकजना राज्यमन्त्रीको । स्वास्थ्य मन्त्रीका रुपमा संघीय समाजवादी फोरमका अध्यक्ष उपेन्द्र यादव आएपछि उक्त मन्त्रालमा राज्यमन्त्री रहेकी नेकपाकी पद्म अर्याललाई यस्तै परेको खबर छ ।

 

मन्त्रालयका कर्मचारीहरूका अनुसार मन्त्री र राज्यमन्त्रीको भेटघाट समेत भएको छैन बोलचाल त धेरै परको कुरा भयो । स्रोत भन्छ, मन्त्री यादवले राज्य मन्त्री अर्याललाई कुनै अख्तियारी र जिम्मेवारी दिएका छैनन । हुन त पहिला नै उनको जिम्मेवारी खोसिएको थियो ।

अर्को पार्टीको मन्त्रालयमा अर्कै पार्टीको राज्यमन्त्री किन बसिरहेको भन्ने प्रश्न उठ्न थालेको छ । अझ कतिपयले त नेकपासंग फोरमको पार्टी एकता गर्ने हल्लाले पनि यसमा काम गरिरहेको बताइन्छ । मन्त्री यादवले राज्यमन्त्रीलाई जिम्मेवारी किन नदिएको भन्ने गुनासो सु्निन थालेको छ ।

अर्कातिर प्रधानमन्त्रीले प्रधानमन्त्री कार्यालयमा तानेका छैनन् । न त राज्यमन्त्री अर्याल आफैले राजीनामा दिएकी छिन् । सहमति अनुसार, फोरमले एकजना राज्यमन्त्री पाउनेछ । हुन त, फोरमले राज्यमन्त्री बनाउन सहरी विकास मन्त्रालयमा पनि सक्नेछ र एकजना राज्यमन्त्री थप्दा २५ सदस्यीय हुनेछ । तर, दुई फरक पार्टीबाट मन्त्री र राज्यमन्त्री हुँदा समस्या भएको फोरमका नेताहरूले बताएका छन् ।