चिनियाँ राष्ट्रपति शी र प्रधानमन्त्री ओलीबीच भेटवार्ता सुरु, भेटका क्रममा ऊर्जा सहकार्य र रेलमार्ग निर्माणको विषयमा छलफल
चिनियाँ राष्ट्रपति शी जिनपिङ र प्रधानमन्त्री केपी शर्मा ओलीबीच भेटवार्ता सुरु भएको छ । शी र ओलीको भेट सुरु भएको हो ।
ओलीले भोलि चिनियाँ समकक्षी लि खछ्याङसँग भेटवार्ता गर्ने कार्यक्रम छ ।
यसअघि प्रधानमन्त्री ओली बेइजिङस्थित नेपाली दूताबासमा आयोजित कार्यक्रममा सहभागी भएका थिए ।
त्यस अवसरमा नेपाली र चिनियाँ लगानीकर्ताबीच ऊर्जा, जलस्रोत, सिमेन्ट उद्योग तथा फलफूल उद्योग स्थापना गर्नेसम्बन्धी ८ सम्झौता भएको थियो ।
ग्रेट हल अफ द पिपुलको पूर्वी हलमा दुई देशका प्रमुखबीच ४० मिनट शिष्टाचार वार्ता हुने भएको हो। प्रधानमन्त्री ओलीले राष्ट्रपति सीसँग गाेप्य वार्तासमेत गर्ने कार्यक्रम रहेको कूटनीतिक स्रोतले जनाएको छ।
अघिल्लो भ्रमणका क्रममा ८ चैत ०७२ मा ओली र सीबीच राष्ट्रपति कार्यालय चोङनानहाइटमा एक घण्टा भेटवार्ता भएको थियो।
भेटका क्रममा ऊर्जा सहकार्य र रेलमार्ग निर्माणको विषयमा छलफल हुनेछ भने चीनसँगको नाका सहज बनाउनेबारेमा पनि कुराकानी हुने परराष्ट्र मन्त्रालयका अधिकारीहरूले बताएका छन् ।
प्रधानमन्त्री ओलीको चीन भ्रमणका क्रममा ऊर्जा सहकार्य र रेलमार्ग निर्माणको महत्वपूर्ण सम्झौता हुने भएको भनिएको छ । केरुङ–काठमाडौं, काठमाडौं–पोखरा–लुम्बिनी रेल निर्माणका लागि विस्तृत परियोजना प्रतिवेदन (डीपीआर) तयार गर्नेसम्बन्धी सम्झौता गर्ने पनि तयारी भएको छ।
साँझ ५ बजे प्रधानमन्त्रीले चाइना अन्तर्राष्ट्रिय टेलिभिजनलाई अन्तर्वार्ता दिनेछन् भने त्यसपछि एसियाली पूर्वाधार विकास बैंक (एआर्इआर्इबी)का अध्यक्ष जिन लिकुले प्रधानमन्त्रीसँग शिष्टाचार भेट गर्नेछन् ।
