किन दिए बिद्यासुन्दर शाक्यलाई महानगरवासीले घाँस उपहार, यस्तो रहेछ कारण
रानिपोखरी पुन: निर्माणको बिषयलाई लिएर काठमाडौं महानगरपालिकालाई सम्पदाप्रेमीहले घाँस उपहार दिएका छन् । महानगरले रानीपोखरीको पुननिर्माणलाई बेवास्ता गरेको भन्दै उनिहरुले यस्तो गरेका हुन् ।
सम्पदाप्रमीहरुले महानगरपालिकाकी उपमेयर हरिप्रभा खड्गीलाई ज्ञापनपत्रसहित घाँस बुझाउँदै सम्पदाविद्, स्थानीय र सम्पदाप्रेमीको टोलीले रानीपोखरीलाई विज्ञ समूहको सिफरिस अनुरुप मल्लकालीन शैलीमा नै निर्माण गर्न माग गरेका थिए ।
आफ्नै घर अगाडी हिलोको थुप्रो, हिलोले डुब्ने भो जनताको झुप्रो
देशको पुरानो बजार र राजधानीको मुटु मानिने असन बजार वर्षा लागेसँगै हिलाम्मे हुने गरेको छ ।
पानी पर्दा ढल भरिने असनको पुरानै समस्या हो । अहिले नयाँ समस्या थपिएको छ, हिलो ।
काठमाडौं महानगरपालिका मेयर विद्यासुन्दर शाक्यको घर समेत असनको लगनमा रहेको छ ।
काठमाडौं महानगरपालिकाको विकास गर्ने भन्दै जीत हातपारेका मेयर शाक्यले महानगरमा केही नगरेको आरोप लागिहेको बेला उनको दैलो असनको अवस्था हेर्दा महानगरपालिका र समग्र देशको अवस्थाको चित्रण हुन्छ ।
मेलम्ची खानेपानीको आयोजनाले पाइप विछ्याउन खनेको पाइपलाईन नपुर्दा पानी पर्नासाथ असन असारे खेत जस्तै बनेको छ ।
भोटाहिटी चोक देखि नरदेखिसम्मको बाटो अहिले अस्तव्यस्त छ, हिलो कारणले गर्दा आवसजात गर्न समस्या परेको बताउँछन् स्थानीय ।
हिलोले गर्दा हिड्नै नसक्ने अवस्था आएका छ, महानगरको मुटुको यस्तो अवस्था भएपनि कोही बनाउन आउँदैनन् सवै भत्काउन मात्रै आउँछन्’ स्थानीय व्यापारी श्यामकाजी श्रेष्ठ आक्रोशित हुँदै भने ।
