कांग्रेसलाई पुरानै अवस्थामा फर्काएर नपुग्ने भन्दै गगन थापाले अघी सारे यस्तो सूत्र
नेपाली कांग्रेसका युवा नेता गगन थापाले कांग्रेसलाई पुरानै अवस्थामा फर्काएर नपुग्ने बताएका छन्।
शुक्रबार पोखरामा आयोजित विचार गोष्ठीमा बोल्दै नेता थापाले सभापति शेरबहादुर देउवाको भनाइको खण्डन गरेका हुन्।
सभापति देउवाले आफू पुरानै अवस्थामा फर्काउन सक्षम रहेको भन्ने भनाइको खण्डन गर्दै नेता थापाले पुरानो ठाउँ खाली गरेर नयाँ बनाउनुपर्ने बताए।
कांग्रेसलाई पुरानै अवस्थामा फर्काएर मात्रै केही नहुने भन्दै उनले भने, ‘कांग्रेसको इतिहासमा स्वयम् विपी कोइरालाका पालामा १०० जना मतदातामध्ये ६८ जना मतदाताले कांग्रेसलाई भोट हाले, कृष्णप्रसाद भट्टराई नेतृत्वमा २०४८ सालमा गिरिजा प्रसाद कोइरालाले सरकारको नेतृत्व गर्दैगर्दा ३८ जना मतदाताले भोट हाले, तर अहिले १०० जना मतदातामा ३० जना मतदाताले कांग्रेसलाई भोट हाल्दै गर्दा ५२ जनाले नेकपालाई भोट हालेका छन्, ३० मतबाट ४५/४८ मतमा पु¥याउनुपर्नेछ।
उनले काग्रेसलाई माथि उठाउन हिजोका पाराले नहुने भन्दै महासमितिको भेलाले सिंगो देशलाई एकतावद्ध बनाउने गरी विचार र नेतृत्वको सविकास गर्नुपर्ने बताए। उनले कम्युनिस्टको दुई तिहाइबाट नआत्तिन समेत कार्यकर्तालाई आग्रह गरे।
संघीय सरकारमा मात्रै कांग्रेस सातै प्रदेश र ४१३ स्थानीय तह प्रतिपक्षमा रहेको भन्दै उनले कांग्रेसलाई नयाँ ढंगले अगाडि बढाउन सबै कार्यकर्ताले सोच्नु पर्ने बताए।
