युवतीको नाम जोडिएर समाचार प्रकाशित भए पछी गगन थापाले मुख फोरे,यसरी दिए प्रस्टीकरण

‘गगन थापालाई प्रयोग गरेर दर्जनको घर बिगार्ने यी डरलाग्दी युवतीको यस्तो छ धन्धा,किन बोक्छन गगन यिनलाई?शिर्षकको समाचार प्रती कांग्रेस केन्द्रिय सदस्य समेत रहेका सांसद थापाले केही बिषय प्रस्ट पर्दै आफुले समाचारमा उल्लेख गरेकी युवतीलाई नचिनेको र उनले भने अनुरुप कहिँ कतै फोन नगरेको व्यहोरा प्रस्ट पारेका छन्। समाचार खण्डनका लागी उनले इमेल मार्फत पठाएको प्रस्टीकरणको व्यहोरा यस्तो छ ।

सार्वजनिक व्यक्ति हुँ। मेरो जीवन खुला किताव जस्तै हो । निर्वाचनको बेला प्रचारप्रसारको क्रममा सभा र घरदैलो गर्दा सवै परिचित व्यक्ति मात्रै हुँदैनन। त्यो भिडमा मसंग फोटो खिच्नु अगाडी सवैको नाम ठेगाना र पेशा रजिष्टर गर्ने कुरा पनि भएन। यस अनलाईनमा त्यसै प्रचारमा देखिएको कोहि व्यक्तिसंग जोडेर कपोलकल्पित रुपमा ‘गगन थापाको फोन गराउंदै फरार छन भनेर समाचार बनाइएको छ । न त म ति व्यक्तिलाई राम्रोसंग चिन्छु न त मैले त्यस्तो कार्यमा फोन गर्ने कुरा सोच्च नै सक्छु । तर अनधिकृत रुपमा मेरो नाम दुरुपयोग गरिएको छ । नियोजित रुपमा वदनीयतपुर्ण ढङ्गले मलाई समेत जोडेर लान्छना लगाउने दुस्प्रयास गरिएको छ । केवल समाचारको विकाउका लागि कसैको आत्मसम्मानमा ठेस पुग्ने गरि संवेदनशील विषयमा भ्रामक समाचार प्रकाशित गर्न मिल्छ? यस्ता तथ्यहिन, कपोल्कल्पित विषयलाई सम्प्रेशण गरेर जुन भ्रम सिर्जना गर्न खोजिएको छ त्यसको खण्डन गर्न समेत प्रकाशकलाई आग्रह गर्दछु ।

उक्त समाचारले थापा प्रति पर्न गएको असुविधा प्रति ध्यान राख्दै आगामी दिनमा यस्ता समाचार प्रकाशित गर्नु पूर्व सम्बन्धित ब्यक्तीको राय समेत लिदै समाचार प्रकाशन गर्ने प्रतिबद्दता ब्यक्त गर्दछौ। -सम्पादक