ट्रम्प र किम बिच वार्ता सम्पन्न, पहिलो पटक भेट्दा किम ट्रम्प नर्भस, ५० मिनेट छलफल
अमेरिकी राष्ट्रपति डोनल्ड ट्रम्प र उत्तर कोरियाका नेता किम जोंग उनबीच सिंगापुरमा ऐतिहासिक भेटवार्ता सम्पन्न भएको छ ।
दुबैले एक अर्कासँग हात मिलाएर भेटवार्ता सुरु गरेका थिए । भेटवार्तामा जनुअघि होटलको लाइब्रेरीमा दुबै नेताले छोटो पत्रकार सम्मेलन राखे ।
उक्त बैठक लगभग ५० मिनेटसम्म चलेको थियो ।
अहिले किम र ट्रम्प आफूसँगै आएका वरिष्ठ सल्लाहकार र सहयोगीसँग बैठक गरिरहेका छन् ।
एनपीआर न्यूजका लागि ह्वाइट हाउस संवाददाताले ट्रम्पलाई बैठक कस्तो चलिरहेको छ भनी प्रश्न सोध्दा ‘अत्यधिक अत्यधिक सफल । उत्कृष्ट सम्बन्ध’ भनी जवाफ दिएको बताए ।
मेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उन पहिलो पटक भे्टदा दुवैमा ऐतिहासिक भेटवार्ता गर्दैछौं भन्ने भाव थियो । तर, उनीहरुको बडी ल्याङ्ग्वेज (हाउभाउ)ले दुवै नर्भस रहेको देखाएको एक बडी ल्याङ्ग्वेज विशेषज्ञले बताएका छन् ।
ट्रम्प र किमबीच सिंगापुरको सान्टोसा द्वीपमा अवस्थित एक पाँच तारे होटल क्याम्पेलामा भेटवार्ता भएको हो ।
भेटको सुुरुमा दुई नेताले हात मिलाए । ट्रम्पले उत्तर कोरियाली नेता किमको पाखुरामा हात राखे ।
झण्डै ६० सेकेण्ड हात मिलाउँदा किमले तीन पटक ट्रम्पको अनुहारमा हेरेका थिए । किमलाई भेट्नुअघि ट्रम्पले वार्ताप्रति उत्तर कोरियाली नेता कति वार्तामा गम्भीर छन् भन्ने कुरा आफूले एक मिनेटमा नै पत्ता लगाउने बताएका थिए ।
त्यसैले पनि होला, सुरुवाति भेटमा दुवै नेतामा ‘ऐतिहासिक वार्ता हुँदैछ’ भन्ने भाव देखिएको इन्फ्युएन्स सोलुसनका प्रवन्धक करिन लियोङले बताइन् ।
हात मिलाउँदा उनीहरुमा जोशको भाव देखिएन । ट्रम्पले कुनै पनि राष्ट्राध्यक्ष वा अधिकारीहरुलाई भेट्दा धेरै बेरसम्म हात मिलाउँछन् । समातेको हात जोडले हल्लाउँछन् । किमसँग पनि उनले त्यसै गरे ।
हालै जापानका प्रधानमन्त्री शिन्जो आबेसँग ट्रम्पले करिब १९ सेकेन्डसम्म हात मिलाएका थिए ।
सेन्टोसा द्वीपमा अवस्थित होटल क्याम्पेलामा करिब ५० मिनेट भेटवार्ता भएको सीएनएनले लेखेको छ ।
भेटवार्तापछि ट्रम्पले छलफल निकै राम्रो भएको प्रतिक्रिया दिएका छन् । उनले भनेका छन्, ‘हामी दुईबीच राम्रो सम्वन्ध छ । म र किम मिलेर ठूला समस्याको समाधान निकाल्ने छौं ।
हामी मिलेर काम गर्ने छौं । हामीले हरतरहले उत्तर कोरियाको ध्यान राख्नेछौं । म यो वार्ताबाट निकै आश्वस्त छु । हामीलाई सफलता मिल्ने छ र हाम्रो सम्बन्ध पनि शानदार रहने छ ।’
अन्तर्राष्ट्रिय समाचार ऐजेन्सीका अनुसार किम र ट्रम्पबीच बन्द कोठाभित्र करिब ५० मिनेट वार्ता भएको छ । वार्तामा दुवै पक्षबाट दोभाषेको व्यवस्था गरिएको थियो ।
वार्तामा अमेरिकाको तर्फबाट विदेश मन्त्री माइक पोम्पियो र राष्ट्रिय सुरक्षा सल्लाहकार जोन बोल्टन पनि थिए । तर, उत्तर कोरियाको तर्फबाट वार्तामा अरु कोको थिए भन्ने खुलेको छैन ।
वार्ता सुरु हुनुअघि दुवैले हात मिलाएर एकअर्कालाई स्वागत गरेका थिए । त्यसलगत्तै पत्रकारहरुलाई प्रतिक्रिया दिँदै किमले भनेका थिए, ‘यहाँसम्म आउन सहज थिएन । हाम्रा पुराना मान्यताहरुले रोकेका थिए तर हामीले त्यसलाई तोड्यौं र आज हामी यहाँ छौं ।’
