देउवालाई निघुरमुन्टी पार्दै सिध्याउन अर्जुन र कृष्णले चाले यस्तो कदम,देउवाविरुद्ध गगनले सिधै घन हान्ने
कांग्रेस वरिष्ठ नेता रामचन्द्र पौडेल तथा दोस्रो वरियताका नेताद्वय अर्जुननरसिंह केसी र कृष्णप्रसाद सिटौलाले सभापति शेरबहादुर देउवाविरुद्ध नयाँ मोर्चा कस्ने तयारी थालेका छन् ।
पार्टीको १३औं महाधिवेशनमा पौडेल र सिटौला सभापतिका प्रत्यासी बनेका थिए भने केसी देउवा समूहबाट महामन्त्रीको उम्मेदवार थिए । त्यसयता तीनै जनाले अलग-अलग समूहको नेतृत्व गर्दै आएका थिए ।
काठमाडौं बत्तीसपुतलीमा सोमबार आयोजित एक कार्यक्रममा उनीहरू एउटै मञ्चमा देखिएका छन् । उक्त कार्यक्रमको आयोजना कांग्रेसको काठमाडौं जिल्ला समितिले गरेको हो ।
कांग्रेसको १२औं महाधिवेशनमा सभापति निर्वाचित भएपछि स्वर्गीय सुशील कोइरालाले पौडेललाई उपसभापति र सिटौलालाई महामन्त्री मनोनित गरेका थिए । कोइरालाको निधनपछि दुवै नेताले फरक-फरक समूहको अभ्यास गरे । १३औं महाधिवेशनसम्म आइपुग्दा दुवै नेता देउवाविरुद्ध सभापतिका प्रत्यासी बने । र, दुवै पराजित पनि बने ।
तीन वटा तहको निर्वाचनमा सभापति देउवाले आफूइतरका नेतालाई बेवास्ता गर्दै एकलौटी ढंगले अगाडि बढेको बताउँदै दुवै नेता उनीसँग असन्तुष्ट छन् ।
महाधिवेशनमा तत्कालीन संस्थापन पक्ष (पौडेल समूह)का तर्फबाट महामन्त्रीमा उम्मेदवार भएर जितेका डा. शशांक कोइरालाले उक्त समूहसँग खासै निकटता देखाएका छैनन् । सोही कारण पौडेल सिटौला समूहसँग मोर्चा बनाएर अगाडि बढ्ने निष्कर्षमा पुगेका हुन् ।
डा. कोइरालाले पार्टी संसदीय दलको निर्वाचनमा पौडेल समूहबाट नेतामा उम्मेदवारी दिएका प्रकाशमान सिंहलाई समेत असहयोग गरेका थिए । उनीसँग पौडेल चिढिनुको अर्को कारण त्यो पनि हो ।
कार्यक्रममा प्रकाशमान सिंह निकटस्थ काठमाडौं कांग्रेसका सभापति सबुज बानियाँ र उनीसँग सभापतिमा प्रतिस्पर्धा गरेर पराजित बनेका सांसद भीमसेनदास प्रधान पनि उपस्थिति हुने भएका छन् ।
दुवै समूहको सहयोगमा पार्टीका दुई शुभेच्छुक संस्था कर्मचारी युनियन र शिक्षक संघमा पार्टी सभापति देउवा पक्षधर उम्मेदवारले पराजय बेहोर्नुपरेको थियो ।
