गृहमन्त्री बादलको मन्त्री पदमा तुँवालो लगाउन प्रचण्डका घरबेटी सहितका ठेकेदारले चाले यस्तो कठोर कदम
गृहमन्त्री रामबहादुर थापाले एक पछाडि अर्काे एक्सन लिइरहेका छन् । केही अगाडि मात्र यातायात क्षेत्रको सिण्डिकेट तोडेर चर्चा कमाएका गृहमन्त्री बादलले सुन तस्करमा संग्लग्न ठूला माछाहरु समेत पक्राउ गर्ने बताइरहेका छन् । यतिमात्रै होइन राजनीतिक शक्तिको आडमा ठेक्का हडप्ने तर काम नगर्ने शैलुङ कन्स्टक्सनका मालिक तथा प्रचण्डका घरधनीलाई समेत नछाड्ने बताइरहेको भोलीपल्टै निर्माण व्यवसायीहरु गृहमन्त्री बादलको एक्सन विरुद्ध उत्रिएका छन् । उनीहरुले शुक्रवार एक विज्ञप्ती जारी गर्दै व्यवसायी तथा ठेकेदारहरु पक्राउको विरोध गरेका हुन ।
नेपाल लोकतान्त्रिक निर्माण व्यवसारी संघले एक विज्ञप्ती जारी गर्दै गह मन्त्रालयको आदेशमा जिल्ला प्रशासन कार्यालयहरुले आफ्नो कार्यक्षेत्रभन्दा बाहिर गएर निर्माण व्यवसायीहरुलाई पक्राउ गर्ने र वयान लिने काम गरेको भन्दै विरोध जनाएको छ ।
विज्ञप्ति जारी गर्दै संघले सार्वजनिक खरिद ऐन र नियमावली विद्यमान रहेको अवस्थामा गृह मन्त्रालयले अनावश्यक हस्तक्षेप गरि ऐन नियम विपरित निर्माण व्यवसायीहरुलाई पक्रने र थुन्ने कार्यले निर्माण व्यवसायीहरुलाई त्रसित र आतंकित बनाएको विज्ञप्तीमा उल्लेख छ ।
संघले निर्माण व्यवसायीहरुलाई आतंकित बनाइ निर्माण व्यवसायीलाई निरुत्साहित गर्ने कार्य तत्काल बन्द गर्न निर्माण व्यवसायीहरुले आग्रह गरेका छन् ।
अध्यक्ष हुमनाथ कोइरालाले जारी गरेको विज्ञप्तिमा सरकारले एकोहोरो धरपकड मात्र गरिरहेका राष्ट्रभरिका सम्पूर्ण निर्माण व्यवसायीहरु निर्माण कार्य बन्द गरी आन्दोलनमा होमिने चेतावनी दिएका छन् ।
सम्झौता गरेको अवधिमा पनि काम नसकेर म्याद थप्दै जाने, काम अलपत्र पार्ने ठेकेदारहरुलाई कारवाही गर्न उनले जिल्ला प्रशासन कार्यालयबाट त्यस्ता व्यवसायीको नाम संकलन गरिरहेका छन् । समयमै काम नसकेर आयोजनाहरुलाई अलपत्र पारेका पारेका ठेकेदारहरुलाई केही जिल्ला प्रशासन कार्यालयले बोलाएर स्पस्टिकरण पनि लिन थालेको छ । हिजोमात्रै कंचनपुरमा त्यहाँको जिल्ला प्रशासन कार्यालयले २२ जना ठेकेदारहरुलाई स्पस्टिकरण पत्र काटेको थियो ।
त्यतिमात्रै होइन सरकारले निर्माण कार्यको अनुगमनलाई पनि तीब्रता दिएको छ । एक साताअघि विराटनगरमा भइरहेको सार्वजनिक निर्माण कार्यमा कमसल सामाग्री प्रयोग गरेको भन्दै केही व्यवसायीलाई प्रशासनले पक्राउ गरेको थियो । मुलुकभरका चालु आयोजना सम्झौता बमोजिम भए नभएको अध्ययन गरी ठेकेदारहरुको कार्यसमीक्षा हुन थालेपछि केही ठेकेदारहरु अहिले सरकारविरुद्व एकजुट हुन थालेका छन् ।
