तीन महिनाको उधारो चेक निर्वाचन आयोगलाई दिदै नेकपाले १२५ नम्बरको प्रमाण पत्र पायो,चेक नसाटीए खारेज हुने
नेपाल कम्युनिष्ट पार्टी, नेकपाले निर्वाचन आयोगबाट दल दर्ताको प्रमाण पत्र पाएको छ । योसँगै तत्कालीन नेकपा एमाले र माओवादी केन्द्र औपचारिक रुपमा एक भएको प्रमाण पाएका छन् ।
निर्वाचन आयोगको बुधबार बैठकले एमाले र माओवादी एक भएको निर्णय गरेको हो । आयोगको बैठकको निर्णयबाट दुई पार्टीको एकीकरण भएर नेकपाका रुपमा दर्ता भएको आयोगले उल्लेख गरेको थियो ।
आयोगले बुधबार निर्णय गरे पनि नेकपाका नेताले बिहीबार आयोगमा गएर दल दर्ताको प्रमाण पत्र लिएका छन् । प्रमाण पत्र लिन नेकपाका विष्णु पौडेल र सुवासचन्द्र नेम्वाङ्गसहितका नेताहरु आयोग पुगेका थिए ।
यसअघि कहिले नाम त कहिले महिला सहभागिताको विषय पार्टी दर्ताको प्रक्रिया लम्बिएको थियो । आयोगले नेकपा दर्तासँगै सबै दललाई राजनीतिक दल सम्बन्धी कानुन बमोजिम ३ महिनाभित्र केन्द्रीय कमिटीमा ३३ प्रतिशत महिला प्रतिनिधित्व गराउन निर्देशन दिएको छ । जुन नेकपाको हकममा पनि लागू हुनेछ । नेकपा १२५ दल भएको छ।
आयोगको बुधबार बसेको बैठकले दुई पार्टीबीचको एकीकरणपछि बनेको नेपाल कम्युनिष्ट पार्टी(नेकपा) दर्ता गर्ने निर्णय गरेको थियो । दुवै पार्टीको एकता घोषणा भएसँगै पार्टीले यही जेठ ३ गते आयोगमा दल दर्ताका लागि निवेदन दिएको थियो ।
