चतुर महिलाको जालमा यसरी फसे एसएसपी पोखरेल,गृहमन्त्रीले महिला संग लाग्ने पुलिसलाई किक हान्ने

एक महिलाको पैसा उठाउने नाममा आफ्नो दायरा नाघ्दा महानगरीय प्रहरी परिसर, काठमाडौंका अधिकारीहरु समस्यामा परेका छन् । अदालतले फैसला गरिसकेको विषयमा गैरकानुनी रुपमा एक व्यावसायीलाई थुनामा राखेर जबर्जस्ती कागज गराएको खुलेपछि गृहमन्त्रालयले एसएसपी विश्वराज पोखरेल लगायतमाथि छानबीन अघि बढाएको छ ।

सधैँ विवादमा आइरहने मेनपावर व्यवसायी राधिका कटवालको कारण काठमाडौं प्रहरीमाथि गृह मन्त्रालयले छानबीन थालेको हो । कटवालको अर्का व्यावसायी अनिल गजमेरसँग लेनदेन विवाद थियो । गजमेरलाई कटवालले पैसा दिएकी थिइन् । त्यसमध्ये सबै पैसा फिर्ता गरिसकेको गजमेरको दाबी छ । तर उनले मिटर ब्याज सहित पैसा दावी गर्दै राधिकाले गजमेरलाई टर्चर दिइरहिन् ।

पैसा फिर्ता दिएको कागज पत्र गजमेरले ३ वर्ष अगाडी भूकम्पमा हराए । जसकारण विवाद बढ्दै गयो । गजमेर सँग पैसा असुल्न उनले विभिन्न नेता मार्फत प्रहरी परिचालन गरिन् । शेर बहादुर देउवा प्रधानमन्त्री हुँदा पनि उनले देउवाको पिए मार्फत काठमाडौं प्रहरीलाई दबाव दिइन् । परिसरका तत्कालिन एसएसपी रविन्द्र धानुकले दबावका बावजुत लेनदेन प्रकृतिको त्यो उजुरीलाई गम्भिर रुपमा हेरेनन् ।

अर्को तर्फ सोही विवादको मुद्दा उच्च अदालत पाटनमा चलिरहेको थियो । सामान्यतय अदालतमा चलिरहेको मुद्दामा प्रहरीले अनुसन्धान गर्दैन । त्यसकारण प्रधानमन्त्रीको दबाबका बाबजुत पनि राधिकाको केही लागेन ।

काठमाडौं प्रहरी परिसरमा नेतृत्व फेरिए एसएसपी विश्वराज पोखरेलका निकट व्यक्तिहरुबार उनले सुचना प्राप्त गरिन् र सो केस प्रभाव पारिन् । न्यायधीश लगायत व्यक्ति मार्फत एसएसपी पोखरेललाई दबाव दिइन् ।

सोही अनुसार कुरा गर्न भनेर प्रहरीले गजमेरलाई गत जेठ ६ गते बोलायो । सुरुमा उनलाई किन बोलाइएको भनिएन । पछि राधिका कटवाल पुगेपछि परिसरका डिएसपी मोहन बहादुर थापाले उनलाई भने,‘उहाँलाई पैसा तिनु भर्एन भने पत्रकार सम्मेलन गरेर तपाईंलाई सार्वजनिक गरिने छ ।’ उनले घटनाको वास्तविकता बताउन खोजे । त्यस बेलासम्म उच्च अदालतले सो मुद्दाको फैसला पनि गरिसकेको थियो । उनले फैसलाको कागज देखाउन समय मागे । तर, प्रहरीले उनको कुरा सुन्दै सुनेन । उनलाई हिरासतमा यातना दिएर भोलिपल्ट ४५ लाख रुपैयाँको चेक काट्न लगाइयो । चैत्र २ गतेको मिति राखेर कागज गर्न लगाइयो । ३५ दिनपछि जबर्जस्ती कागज गरेको मुद्दा नचल्ने भएकाले पुरानो मिति राखेर त्यसरी कागज गर्न लगाईएको थियो ।

हिरासतबाट निस्किएपछि गजमेर गृहमन्त्री राम बहादुर थापा बादललाई भेट्न पुगे । गृहमन्त्रीले उनलाई मन्त्रालयमा लिखित निवेदन दिन भने । सोही अनुसार उनले निवेदन दिएका छन् । आइतबार मात्रै एसएसपी पोखरेल लगायतका अधिकारीलाई बोलाएर छलफल गरेको दृष्टि साप्ताहिकमा खबर छ ।