यस्ता-यस्ता गम्भीर निर्णय गर्दै मन्त्रिपरिषद्को बैठक सकियो
सरकारले बिमस्टेकको चौथो शिखर सम्मेलन भदौमा आयोजना गर्ने भएको छ।
आइतबार बसेको मन्त्रिपरिषद् बैठकले बिमस्टेकको सम्मेलन भदौ १४ र १५ वा २१ र २२ नेपालमा गर्न सदस्य राष्ट्रहरुलाई प्रस्ताव गर्ने निर्णय गरेको हो। शिखर सम्मेलनका लागि आवश्यक उपसमितिहरु बनाइने निर्णय समेत गरिएको छ।
यस्ता छन् मन्त्रिपरिषद्का अन्य निर्णय:
– जिल्ला प्रशासन कार्यालय, इलाका प्रशासन, सीमा प्रशासन कार्यालय, अध्यागमन कार्यालय, कारागार कार्यालयका संगठन संरचना र दरबन्दी स्वीकृत गरियो। यसले ती कार्यालयहरुमा कामहरु अघि बढाउन सहज हुनेछ।
– प्रशासकीय अदालत सम्बन्धमा व्यवस्था गर्न बनेको विधेयक संसदमा पेश गर्ने।
– बिमस्टेकको चौथो शिखर सम्मेलन भदौ १४ र १५ वा २१ र २२ नेपालमा आयोजना गर्न सदस्य राष्ट्रहरुलाई प्रस्ताव गर्ने। त्यसका लागि आवश्यक उपसमितिहरु बनाइने।
– काठमाडौं-तराई प्रदेश द्रुत मार्ग सडक आयोजना सञ्चालन कार्यविधि २०७५ स्वीकृत। सडक निर्माणको काम छिटो सम्पन्न गर्न समितिहरुलाई निर्देशन दिने तथा नियमन र अनुगमन जारी राख्ने।
– कृषि जैविक विविधता संरक्षण तथा सदुपयोग सम्बन्धी विधेयक तर्जुमा गर्न सैद्धान्तिक स्वीकृति दिने।
– गत बैसाखमा सुरु गरिएको विद्यार्थी भर्ना अभियानबाट अहिलेसम्म विद्यालय आउन नसकेका ३ लाख १३ हजार बालबालिकामध्ये ६९ हजार बालबालिका मात्र विद्यालय बाहिर छन्। २ नम्बर प्रदेशमा सबैभन्दा बढी बालबालिका विद्यालय बाहिर रहेको पाइयो। त्यसैले दोस्रो चरणको अभियान सुरु गर्ने र विद्यार्थीलाई विद्यालयसम्म पुर्यााउने वातावरण बनाउने।
