अन्डरलाइन हटाएर ब्राकेटमा खुम्चियो नेकपा,आजै नयाँ नाम आयोगमा बुझाउने यस्तो छ तयारी
नेकपा एमाले र माओवादी केन्द्र एकता भएर बनेको नेपाल कम्युनिस्ट पार्टीले आफ्नो नाम परिवर्तन गर्ने भएको छ ।
निर्वाचन आयोगले नाम पुनर्विचार गर्न भनेपछि नेकपाले आफ्नो नाममा भएको अण्डरलाइन हटाउँदै नेपाल कम्युनिस्ट पार्टी(नेकपा) बनाउन लागेको हो ।
नेकपाले आजै यो नाम निर्वाचन आयोगमा बुझाउने तयारी गरेको छ ।
निर्वाचन अयोगले नेपाल कम्युनिष्ट पार्टी पहिला नै दर्तामा रहेको भन्दै सच्याउन आग्रह गरेको थियो ।
नेपाल कम्युनिस्ट पार्टीले पार्टी केन्द्रीय सदस्यहरुको हस्ताक्षर, नागरिकताको फोटोकपि, विधान लगायतका कागजात आयोगमा बुझाइसकेका छन् ।
दल दर्ताका लागि निवेदन दिएको ४५ दिनभित्र निर्वाचन आयोगमा दर्ता भैसक्नुपर्ने प्रावधान रहेको छ ।
