ओली सरकारमा जाने मन्त्रीको नाम टुंग्याउने अन्तिम तयारीमा उपेन्द्र,यादव सहित यी हुने भए मन्त्री
सरकारमा को को जानेबारे र बजेटबारे छलफल गर्न संघीय समाजवादी फोरमको बैठक पार्टी मुख्यालयमा सुरु भएको छ । बुधबार पनि पार्टी अध्यक्षसहित सासदको दिनभर जसो चेलेको बैठकले मन्त्रीको नाम छनौट गर्न सकेको थिएन ।
बिहीबार पनि त्यो सम्भावना न्यून रहेको पार्टीका एक नेताले बताए । अध्यक्ष उपेन्द्र यादव आफू पनि सरकारमा जाने र आफू निकटलाई नै मन्त्री बनाउने दौडमा लागेपछि अन्य प्रत्यक्ष चुनाव जितेर आएकाहरुले विरोध जनाएका छन् । उपेन्द्रले बाँके बाट चुनाब जितेका इस्तियाक राईलाई मन्त्री बनाउने श्रोतको भनाई छ।
उनीहरुले सरकारमा प्रत्यक्ष चुनाव जितेर आएकालाई पठाउनु पर्ने माग गर्दै आएका छन् ।
सरकारले स्वस्थ्य र सहरी विकास मन्त्रालय दिने भने पनि फोरम अध्यक्ष यादवले सरकारले हेरफेर गरेर भए पनि आफूलाई अलि गतिलो मन्त्रालय दिनु पर्ने दबाब दिइरहेका छन् ।
दुवै तिरको अलमलले फोरमले सरकारमा जाने सहमति गरेपनी कार्यान्वयन हुन सकेको छैन ।
