टालटुले कुरा गरेर ओली सरकारले कर्मचारीलाई बिच्क्याएको भन्दै कर्मचारीका नेता यसरी पड्किए



बजेट भाषणमा तलब वृद्धि नभएपछि निजामती कर्मचारीले असन्तुष्टि जनाएका छन् । निजामती कर्मचारीको आधिकारिक ट्रेड युनियनले तलब पुनरावलोकन नहुनु र मूल्यवृद्धिको अनुपातमा भत्ता कम हुनुले कर्मचारीलाई उत्साहित बनाउन नसकेको टिप्पणी गरेको छ ।

आधिकारिक ट्रेड युनियनका अध्यक्ष पुन्य ढकालले उच्चस्तरीय तलब आयोग गठन गर्ने कुरा अल्मल्याउने तरिकामात्रै हो भन्दै कर्मचारीको हकमा बजेट अनुदार भएको गुनासो गरे । तै पनि केही नहुनुभन्दा एक हजार रुपैयाँ महंगी भत्ता वृद्धि हुनुलाई सकारात्मक रुपमै लिएको उनले बताए ।
ढकालले भने, ‘२०७३ सालमा केपी ओली प्रधानमन्त्री भएकै बेला तलब बढेको हो । २०७४ को सरकारले तलबभत्ता केही बढाएन । अहिले एक हजार भत्ता बढाइए पनि मूल्यवृद्धिसँग त्यसले सामना गर्न सक्दैन । पोशाक भत्ता २५ सय बढेको कुरालाई हामीले स्वागत नै गरेका छौं ।’

ऐनअनुसार प्रत्येक तीन वर्षमा तलब बढ्ने भनिए पनि दुई वर्षमा तलब बढाउने परम्परा रहेको ढकालले बताए । यसपटक तलब बढ्छ भन्ने कर्मचारीको अपेक्षा सरकारले सम्बोधन नगरेको उनले बताए ।

निजामती सेवा ऐनअनुसार प्रत्येक ३ वर्षमा निजामती कर्मचारीको तलबभत्ता पुनरावलोकन हुन्छ । मुख्य सचिवको संयोजकत्वमा रहेको समितिले ३ वर्षको भत्तामध्ये ७५ प्रतिशत तलबमा गाभेर २५ प्रतिशत भत्ता कायम गर्ने व्यवस्था ऐनमा छ ।

ऐनअनुसार २०७६ सालमा मात्र तलब पुनरावलोकन हुनेछ । त्यसैले कर्मचारीले तलब नबढेको गुनासो गरे पनि विरोध भने गरेका छैनन् ।

प्रतिक्रिया दिनुहोस
भाइरल शर्मिला वाइबा पक्राउ

  कलाकार पवन खतिवडा ‘म्याकुरी’माथि कुटपिट गरेको आरोपमा प्रहरीले शर्मिला वाइबालाई पक्राउ गरेको

प्रचण्डले परिवारबाहेक अरुलाई स्थान छैन भन्ने सन्देश दिए : जनार्दन

    नेकपा (माओवादी केन्द्रं) का उपमहासचिव जनार्दन शर्माले लिखित असहमति राख्दै पार्टीभित्र

राजेन्द्र महतोको राष्ट्रिय मुक्ति क्रान्ति अभियान

    राष्ट्रिय मुक्ति क्रान्ति अभियान’ का अगुवा नेता राजेन्द्र महतो दलबलसहित माइतीघरको

एमाले सरकार फेर्ने खेलमा छैन : ओली

  प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीले सरकार फेर्ने