५ दिनका लागी चीन जाने यसरी जुर्यो ओलीको साइत,कांग्रेसले भनेको हावादारी बजेट माथी यसरी हुने भो छलफल



प्रधानमन्त्री केपी शर्मा ओलीको चीन भ्रमणको साइत जुरेको छ । उनको भ्रमणका लागि चिनियाँ र नेपाली पक्षले बुधबार साइत जुराएको हो ।

पाँच दिने चीन भ्रमणमा जान लागेका प्रधानमन्त्री ओली असार ५ गते चीन प्रस्थान गर्ने भएका छन् । अाेली असार ५ देखि १० गतेसम्म चीन भ्रमणमा रहेकाे बताइएकाे छ । ओलीको भ्रमणको तयारी गर्न नेपालका लागि चिनियाँ राजदूत लिलामणी पौडेल चीन प्रस्थान गरिसकेको स्रोतले बतायो । ओली सर्वप्रथम चीनको सिचुवान पुग्ने कार्यतालिका छ ।

ओलीको भ्रमण पूर्वतयारीका लागि परामर्शमा आएका चीनका लागि नेपाली राजदूत पौडेल चार दिन नेपाल बसेपछि बेइजिङ फर्केर भ्रमणको तयारी थालेका छन् ।

यसअघि ओलीले सांघाई को-अपरेसन अर्घनाइजेसनको सम्मेलनको अवसरमा चीन जान चाहेका थिए । तर चीनले समय मिल्न नसक्ने भन्दै त्यसको दुर्इ साता पछिका लागि भ्रमण तालिका मिलाएको हो ।

प्रधानमन्त्री ओलीले चैत अन्तिममा भारत भ्रमणमा गएका थिए । यसअघि पहिलो कार्यकालमा ओली २०१६ मार्च २० देखि चीनको भ्रमणमा गएका थिए । त्यसबेला महत्वपूर्ण पारवाहनसहितका सहमतिमा हस्ताक्षर भएको थियो ।

ओलीको यो पटकको भ्रमणमा चीनसँग अन्तर देशीय कनेक्टिभिटी अन्तरगत रेल सञ्जाल निर्माणसहितका परियोजनामा हस्ताक्षर हुने अनुमान गरिएको छ ।

आर्थिक वर्ष २०७५–७६ को बजेटका विषयमा आजबाट छलफल सुरु हुँदैछ । सरकारले गत मंगलबार सार्वजनिक गरेको १३ खर्ब १५ अर्ब रुपैयाँको बजेटबारे छलफल सुरु हुने भएको हो ।

त्यसका लागि अहिले बिहान ११ बजे व्यवस्थापिका संसदको बैठक बस्दैछ । सरकारले ल्याएको बजेट संसदबाट पारित गर्ने संवैधानिक प्रावधानअनुसार छलफल सुरु गर्न लागिएको संसद सचिवालयले जनाएको छ ।

संसद सचिवालयका अनुसार प्रतिनिधिसभामा बिहीबार, शुक्रबार र आइतबार छलफल हुने छ भने अर्थमन्त्री डा. युवराज खतिवडाले आइतबार जवाफ दिने कार्यक्रम छ । राष्ट्रिय सभामा भने बजेटबारेको छलफल बिहीबार र शुक्रबार हुने बताइएको छ ।

प्रमुख प्रतीपक्ष दल नेपाली कांग्रेसले सरकारको बजेटप्रति असन्तुष्टि जनाउँदै ‘हावादारी’ को आरोप लगाएको छ । प्रधानमन्त्री केपी शर्मा ओलीले भने यो बजेटलाई हावादारी भन्नु नै सबैभन्दा हावादारी कुरा भएको जवाफ दिएका छन् ।

प्रतिक्रिया दिनुहोस
राष्ट्रिय स्वतन्त्र पार्टीको चियापानमा नेताहरुको भिडभाड

    राष्ट्रिय स्वतन्त्र पार्टीले आज दोस्रो स्थापना दिवस मनाएको छ । पार्टी

१३ खर्ब नाघ्यो वैदेशिक व्यापार घाटा

    चालू आर्थिक वर्षको ११ महिनामा नेपालको आयात र निर्यात दुवै घटेको

जेठ महिनामा ४१ अर्ब १९ करोड राजश्व संकलन

    आन्तरिक राजश्व विभागको राजश्व संकलनमा वृद्धि भएको छ । विभागको तथ्याङ्कअनुसार

पार्टी जोगाउन बोल्ड निर्णय चाहिन्छ : रास्वपा

     राष्ट्रिय स्वतन्त्र पार्टीका सभापति रवि लामिछानेले पार्टीको उद्देश्य स्पष्ट भए पनि