प्रधानमन्त्रीले संसदमा भने- भारतसंग बनाउनु पर्ने सम्बन्ध बनाएँ,अब चीन गएर उस्तै सम्बन्ध बनाउछु

प्रधानमन्त्री केपी शर्मा ओलीले आफू छिट्टै चीन भ्रमणमा जाने तयारीमा रहेको बताएका छन्। संसदलाई आइतबार विशेष सम्बोधन गर्दै उनले भने, ‘सायद म छिट्टै चीन भ्रमणमा जानेछु।’

भारतीय प्रधानमन्त्री नरेन्द्र मोदीको नेपाल भ्रमणबारे जानकारी गराउँदै उनले आफूले समानताको आधारमा कूटनीतिक सम्बन्ध कायम राख्ने प्रयास गरेको बताए। जसअन्तर्गत चीन भ्रमणको तयारीमा लागेको उनले जानकारी गराएका हुन्।