सिभिल बैंकले नक्कली लालपुुर्जा बनाएर यसरी बेच्यो १०७ कठ्ठा जग्गा,यस्तो छ किर्ते धन्धाको कहानी

सिभिल बैंकले नक्कली लालपुुर्जा बनाएर चितवनको एक सय सात कठ्ठा जग्गा बिक्री गरेको तथ्य खुुलेको छ । बैंक सञ्चालक समितीका अध्यक्ष ईच्छाराज तामाङ, तत्कालीन प्रमुुख कार्यकारी अधिकृत किशोर मर्हजन र बर्तमान प्रमुख कार्यकारी अधिकृत गोबिन्द गुरुङ र प्रशिद्ध अर्याल समेतको मिलेमतोमा बैंकले करोडौ रुपैयाँ बराबरको जग्गा नक्कली लालपुुर्जा बनाएर बिक्री गरेको हो ।

बैंक उच्च श्रोतका अनुसार तत्कालीन समयमा नेकोन एयरका सञ्चालक समेत रहेका मृगेन्द्र राज जोशीले चितवनको एक सय सात कठ्ठा जग्गा धितो राखेर सिभिल बैंकबाट कर्जा लिएका थिए । व्यवसाय बिस्तार तथा सञ्चालनको लागि भनेर कर्जा लिएको भएपनि जोशीको व्यापार व्यवसाय फस्टाएन ।

सो पश्चात जोशीले सिभिल बैंकबाट लिएको करोडौ रुपैयाँ कर्जाको सावाँ व्याज चुक्ता गर्न सकेनन् । सोही आधारमा ऋणी जोसीलाई सिभिल बैंक आग्रहमा कर्जा सुचना केन्द्रले कालोसुचीमा राख्यो । सोही बिचमा सिभिल बैंक कै पुुर्ण चन्द्र प्रधान थरका एक ऋणी र गुण्डा समेतको मिलेमतोमा जोशीलाई अपहरण कै शैलीमा लाने काम भयो ।

उनीहरुबाट जोशीको नाउँमा रहेको ऋण प्रधानको नाउँमा स्थानान्तरण गरेर पैसा लिने काम भयो । जोशीलाई कर्जा सुचना केन्द्रले कालोसुचीमा राखेको हुंदा उनलाई बैंकले थप पैसा दिन नमिल्ने भन्दै जोशीको नाउँमा रहेको ऋण तथा धितो प्रधानको नाउँमा स्थानान्तरण भयो ।

त्यस वापत बैंकका प्रमुख कार्यकारी मर्हजन, अध्यक्ष तामाङ, गुरुङ लगायतका व्यक्तिहरुबाट लाखौ रुपैयाँ खाने काम भयो । यसमा पनि उक्त घटनामा जुन व्यक्ति डनकोरुपमा प्रस्तुुत भएका थिए उसले मात्र २५ लाख रुपैयाँ लिने काम भयो ।

बाँकी रकम भने बैकका अध्यक्ष, प्रमुुख कार्यकारी र कर्जा प्रमुुखहरुले मिलेर खाएका थिए । सो पश्चात जुन व्यक्तिको नाउँमा कर्जा स्थानान्तरण गरिएको थियो । त्यो व्यक्तिले पनि कर्जा चुक्ता गरेको छैन । यही बिचमा ऋणी जोशीको भने झण्डै डेड बर्षअघि मृत्युु भईसकेको छ ।

हाल अर्काको सम्पती जर्र्वजस्ती आफ्नो बनाएर लाखौ रुपैयाँ खाने व्यक्तिहरु अहिले पनि बैंकको उच्च पदमा रहेका छन् भने प्रधान थरका ऋणी पनि अझै कालोसुचीमा नै रहेका छन् ।

श्रोतका अनुसार प्रधान सिभिल बैंक कै छत्रछायामा हुृिर्कएका घरजग्गा व्यवसायी हुुन । जोसीको सिभिल बैंकमा रहेको कर्जा सकार गरेर चितवनमा रहेको जग्गा खरिद गर्ने व्यक्ति पनि तिनै प्रधान नै हुुन । प्रधानले जोसीसंग उक्त जगा खरिद गरेको भएपनि हालसम्म रकम दिएका छन् ।

पटक पटक गरी पाँच, दश लाख रुपैयाँ गरी उनले रकम दिदैं आएकाछन । आफुलाई ठुलो जग्गा व्यवसायी बताउने प्रधानको उपत्यका र केही ठाउँमा हाउजिङ कम्पनी रहेको छ । तर त्यो सबै प्रधानले सिभिल बैंकबाट कर्जा लिएर गरेका छन् ।

प्रधानलाई सिभिल कै उच्च व्यवस्थापनको संरक्षण रहको आधारधामा प्रधानले सो बैकबाट मात्र २५ करोड रुपैयाँ भन्दा बढी रकम कर्जा लिएसकेका छन् । तर उनले कुनै त्यो कर्जाबापत बैकलाई तिर्नुुपर्ने कुनैपनि सावाँ व्याज बुुझाएका छैनन् ।

पर्दापछाडि बसेर बैंकको खराव कर्जा उठाउन समेत सहयोग गर्ने प्रधानको धेरै जसो समय सिभिल बैकको केन्द्रिय कार्यालय र त्यसकै आसपासमा रहने बैकिङ्ग खबरले उल्लेख गरेको छ ।