आईपीएलमा बैंग्लोरविरुद्ध कोलकाता ६ विकेटले विजयी



१७ वैशाख, काठमाडौं । इण्डियन प्रिमियर लिग (आईपीएल) क्रिकेटमा कोलकाता नाइटराइडर्सले रोयल च्यालेन्जर्स बैंग्लोरलाई ६ विकेटले हराएको छ ।

पहिले ब्याटिङ गरेको बैङ्गलोरले कप्तान विराट कोहलीको नटआउट ६८ रनको मद्दतमा ४ विकेट गुमाएर १ सय ७५ रन बनाएको थियो । १ सय ७६ रनको लक्ष्य कोलकाताले ५ बल बाँकी छँदै ४ विकेट गुमाएर भेटायो ।

कोलाकातालाई जिताउन क्रिस लायनले नटआउट ६२ रनको योगदान गरे । ५२ बल सामना गरेका उनले ७ चौका र १ छक्का प्रहार गरेका थिए । लायन प्लेयर अफ दी म्याच बने ।

यसैगरी रोविन उथप्पाले ३६, सुनिल नराइनले २७ र दिनेश कार्तिकले २३ रनको योगदान गरे ।

बलिङतर्फ बैंग्लोरका मुर्गान आश्विन र मोहम्मद सिराजले २–२ विकेट लिए ।

यसअघि टस हारेर व्याटिङ गरेको बैंग्लोरले निर्धारित २० ओभरमा ४ विकेट गुमाउँदै १७५ रनको योगफल तयार पारेको थियो । उसका लागि कप्तान विराट कोहलीले नटआउट ६८ रन बनाएका थिए । ४४ बल सामना गरेका उनले ५ चौका र ३ छक्का प्रहार गरेका थिए । यसैगरी ब्रेण्डन म्याकुलमले ३८, एण्टोन डे ककले २९ र मन्दिप सिंहले १९ रन बनाए ।

बलिङतर्फ एन्ड्र्यू रसेलले ३ विकेट लिए ।

प्रतिक्रिया दिनुहोस
हामीलाई सन्दीप चाहियो भन्दै दर्शकले हुटिङ गरेपछि

    काठमाडौंको कीर्तिपुरस्थित त्रिवि क्रिकेट मैदानमा नेपाल र क्यानडाबीच एकदिवसीय शृंखलाको खेल

गौतमबुद्ध क्रिकेट रंगशालालाई बागमती प्रदेशले ७५ करोड दिने

    बागमती प्रदेश सरकारले भरतपुरमा रहेको गौतमबुद्ध क्रिकेट रंगशाला निर्माणको लागि लागतको

नेपालले अफगानिस्तानलाई १ विकेटले हराउँदै सुपर सिक्समा

तीव्र गतिका बलर आकाश चन्द र कप्तान देव खनालको उत्कृष्ट प्रदर्शनमा आईसीसी यू-१९

सफाइ नपाएसम्म सन्दीपले क्रिकेट नखेल्ने

    अदालतबाट जबरजस्ती करणीको मुद्दामा दोषी ठहरिएका सन्दीप लामिछानेले सफाइ नपाएसम्म क्रिकेटबाट