दुई लाख घुसमा भागबण्डा नमिले पछी कर्मचारी बीच पछारा-पछार,डिल्लीबजार मालपोतमा देखियो यस्तो जात्रा

दुई हप्ताअघि धनगढीस्थित मालपोत कार्यालयमा घुस खाए बापतको रकममा भागबण्डा नमिलेर चार कर्मचारीबीच कार्यालयमै मारामार भएको थियो ।

कुरो दिनभरि उठाएको घूस साँझ भागबण्डा गर्दा कसैलाई बढी कसैलाई कम र लिनेले लुकाएको निहुँमा मालपोत कार्यालय डिल्लीबजारस्थित नापी शाखाका कर्मचारीले कर्मचारी भकुरेका छन् ।

सुशासन दिन्छु भनेर प्रधानमन्त्री ओली सिंहदरवारबाट कुर्लिने , सिंहदरवारकै ढोका पल्तिर नापीमा घूस भागबण्डा मिलेन भनेर मारामारको तमासा देखिने । यो तमासले सबैलाई लज्जित बनाएको छ।
घुस नपाएको झोकमा सन्तोष साहले आफ्नै समकक्षी विनोद देवलाई भकुरेका हुन् । साहले ‘तँ आफू मात्रै खाने ?’ भनेर कुटपिट गर्दा वरपर सबैले देखेका थिए । नापी अधिकृत छन् मगनु दत्त । उनले पछि कार्यकक्षमा लगेर दुबैलाई मिलाए, कराउनेको भाग दिलाए । यस्तै समस्या कलंकी, चावहिल, साँखु, टोखा र मनमैजुमा नापी र मालपोत कार्यालयमा पनि चर्कदै गइरहेको छ । दुई लाख घुसमा भागबन्डा नमिलेर उनीहरु बीच झगडा भएको हो।