ओली भारत बाट फर्किए पछी उपेन्द्र यादवलाई लाग्यो यस्तो दशा,ग्रह शान्ती गरे पनि पार नलाग्ने
सरकारमा जाने संघीय समाजवादी फोरम नेपालको सपना केपी ओली र उनको दल (नेकपा) एमालेका कारण अधुरै रहने अवस्थामा पुगेको छ ।
प्धानमन्त्री ओली भारत भ्रमणबाट आएपछि संघीय फोरमलाई सरकारमा लैजान खासै रुचि देखाएका छैनन् । सरकारमा सामेल हुने औपचारिक निर्णय गरिसकेको संघीय समाजवादी फोरम नेपाल सत्ताको प्रमुख घटक एमालेको कार्याशीलीबाट सशंकित भएको छ ।
एमालेका कारण सरकारमा सहभागी हुन ढिलाई भएका फोरमका नेताहरूले जनाएका छन् । संविधान संशोधनका लागि लिखित सहमति गर्न सरकारले आलटाल गरेको भन्दै फोरमका नेताहरूले एमालेप्रति असन्तुष्टि जनाएका छन् ।
एमालेकै कारण पार्टी सरकारमा जान अड्किएको उनीहरूको भनाई छ । संविधान संशोधनमा सरकारको लिखित प्रतिवद्धता नआएसम्म पार्टी सरकारमा नजाने फोरमका नेताहरूले प्रस्ट पारेका छन् ।
